ವೈಭವದ ಕರಗ ಮಹೋತ್ಸವ

ಭದ್ರಾವತಿ: ನಗರದ ನ್ಯೂಟೌನ್‌ ಶ್ರೀಮಾರಿಯಮ್ಮ ದೇವಸ್ಥಾನದಲ್ಲಿ ಭಾನುವಾರ ವೈಭವದಿಂದ ಕರಗ ಮಹೋತ್ಸವ ನೆರವೇರಿತು. ಬೆಳಗ್ಗೆ ಶ್ರೀದೇವಿಗೆ ಎಳನೀರು ಅಭಿಷೇಕ ಮತ್ತು 108 ಕಳಶ ಸಹಿತ ಬ್ರಹ್ಮಕಲಶ ಹಾಗೂ ಪೂಜೆ, ಮಧ್ಯಾಹ್ನ 1ಕ್ಕೆ ಶಕ್ತಿ ಕರಗ ಸ್ಥಾಪನೆ, ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗ ಏರ್ಪಡಿಸಲಾಗಿತ್ತು. ಸಂಜೆ ವಿದ್ಯುತ್‌ ದೀಪಗಳಿಂದ ಅಲಂಕೃತಗೊಂಡ ಶ್ರೀ ದೇವಿಯನ್ನು ರಥದಲ್ಲಿ ಮಂಗಳವಾದ್ಯಗಳೊಂದಿಗೆ ರಾಜಬೀದಿ ಉತ್ಸವದಲ್ಲಿ ತರಲಾಯಿತು.

ಹರಕೆ ಹೊತ್ತ ನೂರಾರು ಭಕ್ತರು ಕೆನ್ನೆ, ನಾಲಿಗೆ ಹಾಗೂ ಬೆನ್ನಿಗೆ ಕಬ್ಬಿಣದ ಸಲಾಕೆ ಚುಚ್ಚಿಸಿಕೊಂಡು ತಮ್ಮ ಇಷ್ಟಾರ್ಥ ಪೂರೈಸಿದರು.