ಧಾರಾಕಾರ ಮಳೆ

ಆನಂದಪುರಂ: ಹೊಸಗುಂದ ವ್ಯಾಪ್ತಿಯಲ್ಲಿಸೋಮವಾರ ಮಧ್ಯಾಹ್ನ ಧಾರಾಕಾರ ಮಳೆಯಾಗಿದೆ. ಮಧ್ಯಾಹ್ನ ಸುಮಾರು 1.20 ರಿಂದ 2.15 ರವರೆಗೂ ಮಳೆಯಾಗಿದೆ. ಹೊಸಗುಂದ, ಜಂಬೆಕೊಪ್ಪ, ನೇದರವಳ್ಳಿ, ಐಗಿನಬೈಲು, ಹೊನಗೋಡು, ಮಾದರಸನಕೊಪ್ಪ ಇತರ ಗ್ರಾಮಗಳಲ್ಲಿಮಳೆಯಾಗಿದೆ. ಹೊಸಗುಂದದಲ್ಲಿಜಿಲ್ಲಾಮಕ್ಕಳ ಸಾಹಿತ್ಯ ಸಮ್ಮೇಳನ ನಿಮಿತ್ತ ಮಳೆಗಾಲದ ಹೊಂಡ ಗುಂಡಿ ಮುಚ್ಚಲು ಹೊಸದಾಗಿ ಮಣ್ಣು ಹಾಕಲಾಗಿತ್ತು. ಆದರೆ ಮಳೆ ಸುರಿದ ಕಾರಣ ದೇಗುಲ ಸುತ್ತಮುತ್ತಲ ಆವರಣ ಕೆಸರುಮಯವಾಗಿತ್ತು. ಸಂಜೆ 4.30ರಿಂದ ಆನಂದಪುರಂ ಹೋಬಳಿ ಕೇಂದ್ರದ ಸುತ್ತಮುತ್ತ ಮೋಡ ಕವಿದು ಧಾರಾಕಾರ ಮಳೆ ಬರುವಂತಹ ವಾತಾವರಣ ಉಂಟಾಗಿತ್ತು.