ಹೈಟೆಕ್‌ ಕನ್ಸ್‌ರ್ವೆನ್ಸಿಲಿ ಗುಂಡು ಪಾರ್ಟಿ!

ಶಿವಮೊಗ್ಗ : ಗಬ್ಬು ನಾರುತ್ತಿದ್ದ ಕನ್ಸ್‌ರ್ವೆನ್ಸಿಯನ್ನು ಸ್ಮಾರ್ಟ್‌ ಸಿಟಿ ಯೋಜನೆ ಅಡಿ ಅಭಿವೃದ್ಧಿಪಡಿಸಿ ಹೊಸ ಲುಕ್‌ ನೀಡಲಾಗಿತ್ತು. ಆದರದು ಈಗ ರಾತ್ರಿ ವೇಳೆ ಗುಂಡು ಪಾರ್ಟಿ ಹಾಗೂ ಶೌಚಾಲಯಕ್ಕಾಗಿ ಬಳಸಲಾಗುತ್ತಿದೆ.

ನಗರದ ಜೈಲು ವೃತ್ತದ ಸಮೀಪ ಹಾಗೂ ಅಚ್ಯುತ್‌ರಾವ್‌ ಲೇಔಟ್‌ ಮೊದಲ ಅಡ್ಡರಸ್ತೆಗೆ ಹೊಂದಿಕೊಂಡಂತೆ ಇರುವ ಕನ್ಸ್‌ರ್ವೆನ್ಸಿಗಳನ್ನು ಇತ್ತೀಚೆಗಷ್ಟೇ ಲಕ್ಷಾಂತರ ಹಣ ಖರ್ಚು ಮಾಡಿ ನೆಲಹಾಸುಗಳನ್ನು ಹಾಕಲಾಗಿದೆ. ಸಾರ್ವಜನಿಕರ ಬಳಕೆಗೆ ಬರಲಿ ಎಂಬ ಉದ್ದೇಶದಿಂದ ಶುಚಿಗೊಳಿಸಲಾಗಿದೆ. ಅದೀಗ ಅನೈತಿಕ ಚಟುವಟಿಕೆಗಳ ತಾಣವಾಗಿ ಮಾರ್ಪಟ್ಟಿದೆ.

ಸಂಜೆಯಾದರೆ ಸಾಕು ಇದು ಬಾರ್‌ ಆಗಿ ಪರಿವರ್ತನೆಯಾಗುತ್ತದೆ. ಯಾರ ಕಣ್ಣಿಗೂ ಸುಲಭವಾಗಿ ಬೀಳುವುದಿಲ್ಲಎಂಬ ಕಾರಣದಿಂದಾಗಿ ಮದ್ಯ ಸೇವಿಸುವುದಕ್ಕಾಗಿ ಇಲ್ಲಿಯೇ ಬರುತ್ತಿದ್ದಾರೆ. ಇಡೀ ಕನ್ಸ್‌ರ್ವೆನ್ಸಿ ತುಂಬ ಮದ್ಯದ ಪೌಚ್‌ ರಾಶಿ ಬಿದ್ದಿದ್ದೇ ಇದಕ್ಕೆ ಸಾಕ್ಷಿಯಾಗಿದೆ.

ಪಬ್ಲಿಕ್‌ ಟಾಯ್ಲೆಟ್‌: ಜನರ ಉಪಯೋಗಕ್ಕೆ ಬರಲಿ ಎಂಬ ಉದ್ದೇಶದಿಂದ ಒಂದೂವರೆ ತಿಂಗಳ ಹಿಂದಷ್ಟೇ ಹೈಟೆಕ್‌ ಸ್ಪರ್ಶ ನೀಡಲಾಗಿದೆ. ಆದರೆ, ಸಾರ್ವಜನಿಕ ಹೊಣೆಗೇಡಿತನ ಮತ್ತು ಮಹಾನಗರ ಪಾಲಿಕೆ ಅಧಿಕಾರಿಗಳ ನಿರ್ಲಕ್ಷತ್ರ್ಯದಿಂದಾಗಿ ಪೂರ್ವಸ್ಥಿತಿಗೆ ಬಂದಿದೆ.

===