ದುಬೈನಿಂದ ಪೋನ್‌ನಲ್ಲೇ ತಲಾಕ್‌ ನೀಡಿದ ಪತಿ

ಶಿವಮೊಗ್ಗ: ಇಪ್ಪತ್ತೊಂದು ವರ್ಷ ಸಂಸಾರ ನಡೆಸಿದ ಪತಿ, ಪತ್ನಿಗೆ ಪೋನ್‌ ಮೂಲಕ ಮೂರು ಸಲ ತಲಾಕ್‌ ನೀಡಿದ್ದು, ಪತ್ನಿಯು ನ್ಯಾಯ ಕೊಡಿಸುವಂತೆ ಮಹಿಳಾ ಪೊಲೀಸ್‌ ಠಾಣೆ ಮೆಟ್ಟಿಲೇರಿದ್ದಾರೆ.

ನಗರದ ಟ್ಯಾಂಕ್‌ ಮೊಹಲ್ಲಾದಲ್ಲಿವಾಸವಾಗಿರುವ ಮಹಿಳೆಗೆ ಅದೇ ಬಡಾವಣೆಯ ಮುಸ್ತಫಾ ಬೇಗ್‌ ಎಂಬಾತ 1998ರಲ್ಲಿಮದುವೆಯಾಗಿದ್ದಾನೆ. ದುಬೈನಲ್ಲಿಸಿಸಿ ಕ್ಯಾಮರಾ, ಲ್ಯಾಬ್‌ಟಾಪ್‌ ಟೆಕ್ನಿಷಿಯನ್‌ ಆಗಿರುವ ಈತ ಆಗಸ್ಟ್‌ 28ರಂದು ಫೋನ್‌ ಮಾಡಿ ತಲಾಕ್‌ ನೀಡಿದ್ದಾನೆ. ವರ್ಷಕ್ಕೆ ಎರಡು ಸಲ ಪತ್ನಿ ಹಾಗೂ ದತ್ತು ಪುತ್ರಿಯನ್ನು ನೋಡುವುದಕ್ಕಾಗಿ ಈತ ದುಬೈನಿಂದ ಭಾರತಕ್ಕೆ ಬರುತ್ತಿದ್ದ. ಪತ್ನಿಯ ಖಾತೆಗೆ ಪ್ರತಿ ತಿಂಗಳು 12 ಸಾವಿರ ರೂ. ಕಳುಹಿಸುತ್ತಿದ್ದ. ಮಗಳ ಜನ್ಮದಿನಾಚರಣೆಗಾಗಿ ಇತ್ತೀಚೆಗೆ ಭಾರತಕ್ಕೆ ಬಂದಿದ್ದ ಈತ ಜನವರಿಯಲ್ಲಿವಾಪಸ್‌ ದುಬೈಗೆ ಹೋಗಿದ್ದ. ನಂತರ ಫೋನ್‌ ಮಾಡಿ ಮೂರು ಸಲ ತಲಾಕ್‌ ಹೇಳಿದ್ದಾನೆ. ಪತ್ನಿಯು ಈ ತಲಾಕ್‌ ಅನ್ನು ಒಪ್ಪುವುದಿಲ್ಲವೆಂದಾಗ ಮುಸ್ತಫಾ ಬೇಗ್‌ ತನ್ನ ಅಣ್ಣನ ಮೂಲಕ ಪತ್ನಿಗೆ 5ಲಕ್ಷ ರೂ. ನೀಡಿ, ಮನೆಯಿಂದ ಹೊರಗೆ ಹೋಗುವಂತೆ ಬೆದರಿಸಿದ್ದಾನೆ. ಖಾತೆಗೆ ತಿಂಗಳಿಗೆ 12 ಸಾವಿರ ರೂ. ಹಾಕುತ್ತಿದ್ದು, ಹೆಚ್ಚುವರಿ ಮೂರು ಸಾವಿರ ರೂ. ಹಾಕುವಂತೆ ಕೇಳಿದ್ದಕ್ಕೆ ಒಂದೇ ಸಲ 5 ಲಕ್ಷ ರೂ. ತೆಗೆದುಕೊಂಡು ಮನೆಬಿಟ್ಟು ಹೋಗುವಂತೆ ತಿಳಿಸಿರುವುದಾಗಿ ದೂರಿನಲ್ಲಿತಿಳಿಸಲಾಗಿದೆ.

===