ಮರಗಳ ಅಕ್ರಮ ಕಡಿತಲೆ: ದೂರು ದಾಖಲು

ಹೊಸನಗರ: ತಮ್ಮ ಖಾತೆ ಜಮೀನಿನಲ್ಲಿ ಬೆಳೆದಿದ್ದ ಮರಗಳನ್ನು ಅಕ್ರಮವಾಗಿ ಕಡಿತಲೆ ಮಾಡಿರುವವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಗುರುವಾರ ದೂರು ನೀಡಲಾಗಿದೆ.

ತಾಲೂಕಿನ ನಗರ ಹೋಬಳಿ ಅಂಡಗದೋದೂರು ಗ್ರಾ.ಪಂ. ವ್ಯಾಪ್ತಿಯ ನಿಲ್ಸಕಲ್‌ ಗ್ರಾಮದ ಚಂದ್ರಶೇಖರ ಹಾಗೂ ಗುಂಡಪ್ಪಗೌಡ ಅವರಿಗೆ ಸೇರಿದ ಸರ್ವೆ ನಂ. 31 ಮತ್ತು 32ರಲ್ಲಿ ಬೆಳೆದಿದ್ದ ಐದಾರು ಬೋಗಿ ಜಾತಿಯ ಮರಗಳ ಸಹಿತ ಅನೇಕ ಕಾಡು ಜಾತಿಯ ಮರಗಳನ್ನು ಇದೇ ಗ್ರಾಮದ ಪ್ರಮೋದ ಎಂಬುವವರು ಅಕ್ರಮವಾಗಿ ಕಡಿತಲೆ ಮಾಡಿದ್ದಾರೆ ಎಂದು ಅರಣ್ಯ ಇಲಾಖೆಗೆ ನೀಡಿದ ದೂರಿನಲ್ಲಿ ಆರೋಪಿಸಲಾಗಿದೆ.

ಅಲ್ಲದೇ ಕಡಿತಲೆ ಮಾಡಿದ ಮರಗಳು ಅಡಕೆ ತೋಟದ ಮೇಲೆ ಉರುಳಿದ್ದು, ನೂರಕ್ಕೂ ಹೆಚ್ಚು ಅಡಕೆ ಮರಗಳು ಧರಾಶಾಯಿಯಾಗಿವೆ. ಅಕ್ರಮವಾಗಿ ಮರಕಡಿತಲೆ ಮಾಡಿದ್ದು ಅಲ್ಲದೇ, ನನ್ನ ಕೃಷಿ ಜಮೀನಿಗೆ ಅತಿಕ್ರಮಣ ಪ್ರವೇಶ ಮಾಡಿದ ಆರೋಪಿ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಇಲ್ಲಿನ ಸಹಾಯಕ ಅರಣ್ಯ ಸಂರಕ್ಷ ಣಾಧಿಕಾರಿ ಹಾಗೂ ತಾಲೂಕು ಆಡಳಿತಕ್ಕೆ ಚಂದ್ರಶೇಖರ್‌ ಹಾಗೂ ಗುಂಡಪ್ಪ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ.