ಆದಾಯ ತೆರಿಗೆ ದಿನಾಚರಣೆ

ಶಿವಮೊಗ್ಗ : ನಗರದ ಆದಾಯ ತೆರಿಗೆ ಇಲಾಖೆ ಕಚೇರಿಯಲ್ಲಿ ಬುಧವಾರ ಸಂಜೆ ಆದಾಯ ತೆರಿಗೆ ದಿನಾಚರಣೆ ನಡೆಯಿತು.

ತೆರಿಗೆದಾರರು, ಸಾರ್ವಜನಿಕರು, ಎಫ್‌ಕೆಸಿಸಿಐ, ನಿವೃತ್ತಿ ಸಿಬ್ಬಂದಿಗೋಸ್ಕರ ಹಮ್ಮಿಕೊಂಡಿದ್ದ ಕಾರ್ಯಕ್ರಮವನ್ನು ಸಿಎ ಸಿ.ಆರ್‌.ವಸಂತ್‌ ಕುಮಾರ್‌, ಆದಾಯ ತೆರಿಗೆ ವೃತ್ತಿಪರ ಎಸ್‌.ಜಿ.ಗೋಪಾಲ್‌, ಇಲಾಖೆಯ ನಿವೃತ್ತ ಉಪ ಆಯುಕ್ತ ಕೆ.ಸಿ.ಬಿ.ಪಿಲ್ಲೈ, ಡಾ.ರಜನಿ ಪೈ ಉದ್ಘಾಟಿಸಿದರು.

'ಆದಾಯ ತೆರಿಗೆ-ಭಾರತವನ್ನು ಪರಿವರ್ತಿಸುವ ಶಕ್ತಿ' ವಿಷಯ ಕುರಿತು ಹಮ್ಮಿಕೊಂಡಿದ್ದ ಪ್ರಬಂಧ ಸ್ಪರ್ಧೆಯಲ್ಲಿ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.

ಆದಾಯ ತೆರಿಗೆ ಇಲಾಖೆಯ ಶಿವಮೊಗ್ಗ ವೃತ್ತ 1ರ ಸಹಾಯಕ ಆಯುಕ್ತ ಎಸ್‌.ಎನ್‌.ಸುರೇಶ್‌ ಅಧ್ಯಕ್ಷತೆ ವಹಿಸಿ ಮಾತನಾಡಿ, ರಾಷ್ಟ್ರದ ಪ್ರಗತಿಯಲ್ಲಿ ಆದಾಯ ತೆರಿಗೆಯ ಪಾತ್ರ ದೊಡ್ಡ ಪ್ರಮಾಣದಲ್ಲಿದೆ. ಸಕಾಲಕ್ಕೆ ಪಾವತಿಸುವುದರಿಂದ ಗ್ರಾಹಕರಿಗೆ ಆಗುವ ಲಾಭಗಳ ಬಗ್ಗೆ ಮಾಹಿತಿ ನೀಡಿದರು.

ಆದಾಯ ತೆರಿಗೆ ವೃತ್ತಿಪರ ಮಧುಸೂದನ್‌ ಐತಾಳ್‌, ಸಿ.ಆರ್‌.ವಸಂತ್‌ ಕುಮಾರ್‌ ಮಾತನಾಡಿದರು. ಕಾರ್ಯಕ್ರಮದಲ್ಲಿ ತೆರಿಗೆ ಇಲಾಖೆಯ ಸಾಧನೆಗಳನ್ನು ಒಳಗೊಂಡ ವಿಡಿಯೋ ಪ್ರದರ್ಶಿಸಲಾಯಿತು.