ಕಲಾತ್ಮಕ ಹವ್ಯಾಸದಿಂದ ಆತ್ಮವಿಶ್ವಾಸ ವೃದ್ಧಿ

ಸಾಗರ: ಕಲಾತ್ಮಕ ಹವ್ಯಾಸಗಳಿಂದ ಮಕ್ಕಳ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ ಎಂದು ಹಿರಿಯ ಕಲಾವಿದ ಸೋಮಣ್ಣ ಹೇಳಿದರು.

ಇಲ್ಲಿನ ಕೆಳದಿ ರಸ್ತೆಯಲ್ಲಿನ ಕೃಪಾ ವಿದ್ಯಾಸಂಸ್ಥೆಯ ಸಾಗರ ಪಬ್ಲಿಕ್‌ ನರ್ಸರಿಯಲ್ಲಿನ ಚಿತ್ರಕಲಾ ಕೇಂದ್ರ ಏರ್ಪಡಿಸಿದ್ದ ಬೇಸಿಗೆ ಶಿಬಿರ 2019ರಲ್ಲಿ ಮಂಗಳವಾರ ಅವರ ಪೇಪರ್‌ ಕ್ರಾಫ್ಟ್‌ ಕುರಿತು ತರಬೇತಿ ನೀಡಿ ಮಾತನಾಡಿದರು.

ಮಕ್ಕಳ ಮನಸ್ಸಿನಲ್ಲಿ ವೈವಿಧ್ಯಮಯ ಕಲಾತ್ಮಕ ಆಲೋಚನೆಗಳು ಬರುತ್ತವೆ. ಹೊರಗಿನ ಯಾವುದೇ ನಿಬಂಧನೆಗಳಿರದ ಮುಕ್ತ ಮನಸಿನ ಮಕ್ಕಳ ಕಲಾಪ್ರತಿಭೆಯನ್ನು ಪೋಷಕರು ಪೋಷಿಸಿದಾಗ ನಿಜಾರ್ಥದಲ್ಲಿ ಪೋಷಕರಾಗಲು ಸಾಧ್ಯ. ಕಾಗದದ ಸಣ್ಣ ತುಂಡೊಂದನ್ನು ಮಗುವಿನ ಕೈಗೆ ನೀಡಿದಾಗ, ದೊಡ್ಡವರ ಕಲ್ಪನೆಗೂ ಮೀರಿದ ಕಲಾತ್ಮಕ ಸೃಷ್ಟಿಯನ್ನು ಮಗು ಮಾಡಬಲ್ಲದು. ಮಕ್ಕಳ ಆತ್ಮ ವಿಶ್ವಾಸ ಹೆಚ್ಚಿಸುವ ಮತ್ತು ಮಕ್ಕಳಿಗೆ ವಿಶೇಷ ತೃಪ್ತಿ ನೀಡುವ ಉತ್ತಮ ಹವ್ಯಾಸ ಬೆಳೆಸಿದಾಗ ಸ್ವಾಭಾವಿಕವಾಗಿ ಪರೀಕ್ಷೆಯ ಭಯ ಕಡಿಮೆಯಾಗಿ , ತರಗತಿಯ ಕಲಿಕೆ ಸುಲಭವಾಗುತ್ತದೆ ಎಂದರು.

ಚಿತ್ರಕಲಾ ಕೇಂದ್ರದ ಶಿಕ್ಷ ಕ ರಾಘವೇಂದ್ರ, ಕೃಪಾ ವಿದ್ಯಾಸಂಸ್ಥೆಯ ಕೃಷ್ಣಮೂರ್ತಿ, ಸಿಆರ್‌ಪಿ ಮಾಲತೇಶ, ಕೆ.ಜೆ.ರಕ್ಷ , ಭಕ್ತಿ, ಸಿರಿ, ವಿ.ಧನ್ಯ, ಡಿ.ಸಂಜನಾ, ಆರ್‌.ಕಿಶನ್‌, ಸಮರ್ಥ, ವರ್ಷಿಣಿ, ಸ್ವಸ್ತಿಕ್‌ ಇತರರು ಇದ್ದರು.