ಕೇಬಲ್‌ ದುರಸ್ತಿ ವೇಳೆ ಗಾಯ

ಸಾಗರ: ಇಲ್ಲಿನ ಎಸ್‌.ಎನ್‌.ನಗರದಲ್ಲಿ ಡಿಶ್‌ ಸಮಸ್ಯೆ ಸಂದರ್ಭ ಟಿವಿ ಸಂಪರ್ಕದ ಕೇಬಲ್‌ ದುರಸ್ತಿ ಮಾಡುವ ಕಾರ‍್ಯದಲ್ಲಿ ತೊಡಗಿದ್ದ ಫೈಜಾನ್‌ ಎಂಬ ಯುವಕ ಗಂಭೀರವಾಗಿ ಗಾಯಗೊಂಡ ಘಟನೆ ಸೋಮವಾರ ನಡೆದಿದೆ.

ಫೈಜಾನ್‌ ಆನಂದಪುರಂನ ಯಡೇಹಳ್ಳಿಯ ವಾಸಿಯಾಗಿದ್ದು, ಸಾಗರದಲ್ಲಿನ ತನ್ನ ಚಿಕ್ಕಮ್ಮನ ಮನೆಯಲ್ಲಿದ್ದ. ಕೇಬಲ್‌ ದುರಸ್ತಿ ಸಂದರ್ಭ ಹೈ ಟೆನ್‌ಷನ್‌ ವಿದ್ಯುತ್‌ ಲೈನ್‌ನ ಶಾಕ್‌ ಸಂಭವಿಸಿ ಕುಸಿದು ಬಿದ್ದಿದ್ದಾನೆ. ಇಲ್ಲಿನ ಉಪವಿಭಾಗೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿ, ಹೆಚ್ಚಿನ ಚಿಕಿತ್ಸೆಗೆ ಶಿವಮೊಗ್ಗಕ್ಕೆ ಕರೆದೊಯ್ಯಲಾಗಿದೆ. ಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.