- ಕಲಗಾರು ಲಕ್ಷಿತ್ರ್ಮೕನಾರಾಯಣ ಹೆಗಡೆ,
ಜಲಾಶಯದ ನೀರಿನ ಮಟ್ಟ ಗರಿಷ್ಠ 1819 ಅಡಿಗಳಾಗಿದ್ದು, ಈ ವರ್ಷ 1816.35 ರಷ್ಟು ಭರ್ತಿಯಾಗಿತ್ತು. ಮೇ 3 ರಂದು ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ 1762.25 ಅಡಿಗಳಿದ್ದು ಕಳೆದ ವರ್ಷ ಇದೇ ದಿನ 1769.75 ಅಡಿಗಳಿತ್ತು.
ಜಲಾಶಯದ ನೀರು ಸಂಗ್ರಹಣಾ ಸಾಮರ್ಥ್ಯ 156 ಟಿಎಂಸಿ( 4291.75 ಎಂಸಿಎಂ) ಯಾಗಿದ್ದು ಈ ವರ್ಷದ ಮೇ 3 ರಂದು 30.130 (ಶೇ 19.87) ನೀರು ಸಂಗ್ರಹವಿದೆ. ಕಳೆದ ವರ್ಷದ ಈ ದಿನ 39.25 ಟಿಎಂಸಿ ನೀರು ಸಂಗ್ರಹವಿದ್ದು (198ಶೇ 25.87 ಟಿಎಂಸಿ) ಈ ವರ್ಷ 9 ಟಿಎಂಸಿ ನೀರು ಕಡಿಮೆಯಾಗಿದೆ.
ಶರಾವತಿ ಕಣಿವೆ ಜಲವಿದ್ಯುತ್ ಯೋಜನೆಯ ನಾಲ್ಕು ವಿದ್ಯುದಾಗರಗಳಲ್ಲಿ ಕಳೆದ 24 ಗಂಟೆಯಲ್ಲಿ 17.493 ಮಿಲಿಯನ್ ಯುನಿಟ್ ವಿದ್ಯುತ್ ಉತ್ಪಾದನೆಯಾಗಿದೆ. ಈ ಅವಧಿಯಲ್ಲಿ 232.610 ಮಿಲಿಯನ್ ಯೂನಿಟ್ ವಿದ್ಯುತ್ ಬಳಕೆಯಾಗಿದ್ದು , ಹೆಚ್ಚಿನ ಕೊಡುಗೆ ಉಷ್ಣ ವಿದ್ಯುತ್ ಸ್ಥಾವರದ್ದಾಗಿದೆ.
ಮಳೆಯನ್ನೇ ಅವಲಂಬಿಸಿದ ಲಿಂಗನಮಕ್ಕಿ ಜಲಾಶಯದಲ್ಲಿ ನೀರು ಕಡಿಮೆಯಾಗಿ ವಿದ್ಯುತ್ ಅಭಾವ ಕಾಣಿಸಿಕೊಳ್ಳುವುದು ಪ್ರತಿ ವರ್ಷದ ಸಮಸ್ಯೆಯಾದರೂ ಈ ವರ್ಷ ಜಲಾಶಯದಲ್ಲಿ ನೀರು ಸಂಗ್ರಹ ತೃಪ್ತಿಕರವಾಗಿದೆ. ಮಿತವ್ಯಯ ಸಾಧಿಸಿದರೆ ಮಳೆಗಾಲ ಪ್ರಾರಂಭದವರೆಗೂ ತೊಂದರೆಯಾಗುವುದಿಲ್ಲ ಎಂಬ ಅಭಿಪ್ರಾಯವನ್ನು ತಜ್ಞರು ವ್ಯಕ್ತಪಡಿಸಿದ್ದಾರೆ.
ಕಳೆದ 24 ಗಂಟೆಯಲ್ಲಿ ಲಿಂಗನಮಕ್ಕಿ ಪವರ್ ಹೌಸ್ನಲ್ಲಿ 0.468 ಮಿಲಿಯನ್ ಯುನಿಟ್, ಶರಾವತಿ ವಿದ್ಯುದಾಗರದಲ್ಲಿ9.040 ಮಿಲಿಯನ್ ಯುನಿಟ್, ಮಹಾತ್ಮಾಗಾಂಧಿ ವಿದ್ಯುದಾಗರದಲ್ಲಿ1.633 ಮಿಲಿಯನ್ ಯುನಿಟ್ ವಿದ್ಯುತ್ ಉತ್ಪಾದಿಸಲಾಗಿದೆ. ರಾಜ್ಯದಲ್ಲಿ ಕಳೆದ 24 ಗಂಟೆಯಲ್ಲಿ 49.88 ಮಿಲಿಯನ್ ಯುನಿಟ್ ವಿದ್ಯುತ್ ಬಳಕೆಯಾಗಿದ್ದು ಅದರಲ್ಲಿ11.141 ಮಿಲಿಯನ್ ಯುನಿಟ್ ಶರಾವತಿ ಕಣಿವೆಯ ಜಲವಿದ್ಯುತ್ ಯೋಜನೆಯಿಂದ ಉತ್ಪಾದನೆಯಾಗಿದೆ.