ಮತ್ತಿಕೈ ಸೇತುವೆ ಕುಸಿತ

ನಿಟ್ಟೂರು: ಎಡೆಬಿಡದೇ ಸುರಿಯುತ್ತಿರುವ ಮಳೆಗೆ ಹೊಸನಗರ ತಾಲೂಕು ಸಂಪೆಕಟ್ಟೆ ಸಮೀಪದ ಮಡೋಡಿಯಿಂದ ಮತ್ತಿಕೈ ಸಂಪರ್ಕಿಸುವ ಸೇತುವೆ ಕುಸಿದಿದ್ದು, ಗ್ರಾಮಸ್ಥರಲ್ಲಿ ಆತಂಕ ಮೂಡಿಸಿದೆ.

ಕನಗೋಡು ಮನೆ, ಜೆಟ್ಟಿಮನೆ, ದೇವರಮನೆ ಹಾಗೂ ಇತರ ಊರುಗಳಿಗೆ ಸಮೀಪದ ಪೇಟೆ ತಲುಪುವ ರಸ್ತೆ ಇದಾಗಿದ್ದು, ಈಗ ಸೇತುವೆ ಕುಸಿದಿರುವುದರಿಂದ ತೊಂದರೆಯಾಗಿದೆ.

ಸ್ಥಳಕ್ಕೆ ಭೇಟಿ ನೀಡಿದ್ದ ತಾ.ಪಂ. ಸದಸ್ಯ ಕೆ.ವಿ.ಸುಬ್ರಮಣ್ಯ, ಸಂಬಂಧಪಟ್ಟ ಅಧಿಕಾರಿಗಳಿಗೆ ತಿಳಿಸಿ ಅಗತ್ಯ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿದರು.