ಅಲ್ಪಸಂಖ್ಯಾತರ ಯೋಜನೆ ಸದ್ಬಳಕೆ ಆಗಲಿ

ಭದ್ರಾವತಿ: ಚುನಾವಣಾ ಸಂದರ್ಭ ಅಲ್ಪಸಂಖ್ಯಾತರ ಸಮುದಾಯದವರಿಗೆ ನೀಡಿದ ಭರವಸೆಗಳನ್ನು ಈಡೇರಿಸಲು ಬದ್ಧ ಎಂದು ಶಾಸಕ ಹಾಗೂ ಕರ್ನಾಟಕ ಗ್ರಾಮೀಣ ಮೂಲಭೂತ ಸೌಕರ್ಯ ಅಭಿವೃದ್ಧಿ ನಿಯಮಿತ ಅಧ್ಯಕ್ಷ ಬಿ.ಕೆ.ಸಂಗಮೇಶ್ವರ್‌ ಹೇಳಿದರು.

ಅವರು ಬುಧವಾರ ಹಳೇನಗರದ ಜಾಮಿಯಾ ಶಾದಿ ಮಹಲ್‌ ಸಭಾಂಗಣದಲ್ಲಿ ಕೆಆರ್‌ಐಡಿಎಲ್‌ ವತಿಯಿಂದ 10 ಲಕ್ಷ ರೂ. ಚೆಕ್‌ ವಿತರಿಸಿ ನಂತರ ಸನ್ಮಾನ ಸ್ವೀಕರಿಸಿ ಮಾತನಾಡಿದರು. ಸರಕಾರ ಅಲ್ಪಸಂಖ್ಯಾತರ ಇಲಾಖೆಗೆ ಅನೇಕ ಯೋಜನೆ ಜಾರಿ ಮಾಡಿದೆ. ಸೌಲಭ್ಯ ಸದುಪಯೋಗ ಪಡೆದುಕೊಳ್ಳಬೇಕೆಂದರು. ಈ ಸಂದರ್ಭ ಮಸೀದಿ ಅಧ್ಯಕ್ಷ ಸಯ್ಯಾದ್‌ ಗೌಸ್‌, ಪದಾಧಿಕಾರಿಗಳಾದ ದಿಲ್ದಾರ್‌, ಇಮ್ತಿಯಾಜ್‌ ಅಹಮದ್‌, ಅಂಜುಮಾನ್‌ ಅಧ್ಯಕ್ಷ ಸಿ.ಎಂ.ಖಾದರ್‌, ಮಾಜಿ ಅಧ್ಯಕ್ಷ ಶೇಖ್‌ ಮಹಬೂಬ್‌, ಮುಖಂಡರಾದ ಎಂಡಿ. ಗೌಸ್‌, ರಹಮತುಲ್ಲಾ ಬೇಗ್‌ ಇತರರು ಇದ್ದರು.