ಮೋದಿ ಸಾಧನೆಗಳೇ ಶ್ರೀರಕ್ಷೆ

ಶಿವಮೊಗ್ಗ : ಪ್ರಧಾನಿ ನರೇಂದ್ರ ಮೋದಿ ಅವರ ಸಾಧನೆಗಳೇ ಶ್ರೀರಕ್ಷೆಯಾಗಿದ್ದು, ಶಿವಮೊಗ್ಗ ಲೋಕಸಭೆ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಬಿ.ವೈ.ರಾಘವೇಂದ್ರ ಅವರು ಗೆಲುವು ಸಾಧಿಸಲಿದ್ದಾರೆ ಎಂದು ಬಿಜೆಪಿ ಮಹಿಳಾ ಮೋರ್ಚಾದ ರಾಜ್ಯಾಧ್ಯಕ್ಷೆ ಭಾರತಿ ಶೆಟ್ಟಿ ವಿಶ್ವಾಸ ವ್ಯಕ್ತಪಡಿಸಿದರು.

ದೇಶದಲ್ಲಿ ಕಾಂಗ್ರೆಸ್‌ ಹಲವು ವರ್ಷ ಆಡಳಿತ ನಡೆಸಿದೆ. ಆದರೆ, ಯಾವ ಸಾಧನೆ ಮಾಡಿಲ್ಲ. ಮೋದಿ ಕೇವಲ 5 ವರ್ಷಗಳಲ್ಲಿ ಸಾಕಷ್ಟು ಅಭಿವೃದ್ಧಿ ಕಾರ್ಯಕ್ರಮಗಳನ್ನು ನೀಡಿದ್ದಾರೆ ಎಂದು ಗುರುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

'ಬೆæೕಟಿ ಬಚಾಚ್‌ ಭೇಟಿ ಪಢಾವ್‌', 'ಮುದ್ರಾ', 'ಸುಕನ್ಯಾ ಸಮೃದ್ಧಿ', 'ಉಜ್ವಲ್‌' ಯೋಜನೆಗಳ ಮೂಲಕ ಬಡವರಿಗೆ ಅನುಕೂಲ ಮಾಡಿಕೊಟ್ಟಿದ್ದಾರೆ. ಉದ್ದೇಶಿತ 8 ಕೋಟಿ ಉಚಿತ ಗ್ಯಾಸ್‌ ಸಿಲಿಂಡರ್‌ಗಳಲ್ಲಿ 6.9 ಕೋಟಿ ವಿತರಿಸಲಾಗಿದೆ. ಶಿವಮೊಗ್ಗದಲ್ಲೇ 48 ಸಾವಿರಕ್ಕೂ ಹೆಚ್ಚು ಕುಟುಂಬ ಇದರ ಲಾಭ ಪಡೆದಿವೆ ಎಂದು ಹೇಳಿದರು.

ಪಕ್ಷದ ಪ್ರಮುಖರಾದ ಮಂಜುಳಾ, ಅನಿತಾ ರವಿಶಂಕರ್‌, ಸುವರ್ಣ ಶಂಕರ್‌, ಪದ್ಮಿನಿ, ಹೇಮಾವತಿ, ಗೀತಾ, ಶೋಭಾ, ಸುಧಾಮಣಿ, ವಿದ್ಯಾಲಕ್ಷ್ಮಿಪತಿ ಉಪಸ್ಥಿತರಿದ್ದರು.