ಹೊಸೂರಿನಲ್ಲಿ ಮಂಗನ ಶವ ಪತ್ತೆ

ಆನಂದಪುರಂ : ಸಮೀಪದ ಹೊಸೂರಿನ ಸರಕಾರಿ ಪ್ರಾಥಮಿಕ ಶಾಲೆ ಹಿಂಭಾಗದ ಗದ್ದೆಯಲ್ಲಿ ಶುಕ್ರವಾರ ಮಂಗನ ಶವ ಕಂಡುಬಂದಿದೆ.

ಶಾಲೆ ಪಕ್ಕದ ಮನೆಯವರು ವಿಷಯ ತಿಳಿಸಿದಾಗ ಆರೋಗ್ಯ ಸಹಾಯಕಿ ಸುಜಾತ , ಆಶಾ ಕಾರ್ಯಕರ್ತೆ ಘನಶೀಲಾ,ಶಿಕ್ಷ ಕ ಎನ್‌.ಜಿ.ಮಂಜುನಾಥ, ಅರಣ್ಯ ಇಲಾಖೆ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿದರು. ಮಂಗನ ಶವ ಕಂಡು ಬಂದ ಜಾಗದ ಸುತ್ತ ಥಿಮೆಟ್‌ ಹಾಕಲಾಯಿತು. ನಂತರ ಮಂಗನ ಶವದ ಸ್ಯಾಂಪಲ್‌ ಸಂಗ್ರಹಿಸಿ ಶವವನ್ನು ಸುಡಲಾಯಿತು. ಈ ಶಾಲೆಯಲ್ಲಿ ಸುಮಾರು 85 ಕ್ಕೂ ಅಧಿಕ ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು, ಗ್ರಾಮಸ್ಥರಲ್ಲಿ ಆತಂಕ ಸೃಷ್ಟಿಸಿದೆ.