ದಂಡಕ್ಕಂಜಿ ದಾಖಲೆಗಳಿಗೆ ಮೊರೆ

ಆತೀಶ್‌ ಬಿ. ಕನ್ನಾಳೆ ಶಿವಮೊಗ್ಗ: ಭಾರಿ ದಂಡದ ಭೀತಿಗೆ ವಾಹನಗಳ ಮಾಲೀಕರು ಲರ್ನಿಂಗ್‌ ಲೈಸೆನ್ಸ್‌, ಫಿಟ್ನೆಸ್‌ ಸರ್ಟಿಫಿಕೇಟ್‌, ಆರ್‌ಸಿ ಪಡೆಯಲು ಆರ್‌ಟಿಒ ಕಚೇರಿಗೆ ಮುಗಿಬಿದ್ದಿದ್ದಾರೆ. ಪ್ರತಿ ತಿಂಗಳು ಇದಕ್ಕಾಗಿ ಕೋರಿ ಬರುತ್ತಿದ್ದ ಅರ್ಜಿಗಳ ಪ್ರಮಾಣದಲ್ಲಿಶೇ.25ರಷ್ಟು ಏರಿಕೆಯಾಗಿದೆ.

ದೇಶದಲ್ಲಿಮೋಟಾರು ವಾಹನ ಕಾಯಿದೆ ಅಧಿನಿಯಮ 1988ಕ್ಕೆ ತಿದ್ದುಪಡಿ ತಂದ ಬಳಿಕ ಸಂಚಾರ ನಿಯಮ ಉಲ್ಲಂಘಿಸುವವರ ಮೇಲೆ ದೊಡ್ಡ ಪ್ರಮಾಣದ ದಂಡ ವಿಧಿಸಲಾಗುತ್ತಿದೆ. ಹೀಗಾಗಿ, ಇಷ್ಟು ದಿನ ಪಕ್ಕಾ ದಾಖಲೆಗಳಿಲ್ಲದಿದ್ದರೂ ವಾಹನಗಳನ್ನು ಹಾಗೆಯೇ ಓಡಿಸಲಾಗುತ್ತಿತ್ತು. ಆದರೀಗ, ಭಾರಿ ಮೊತ್ತದ ದಂಡಕ್ಕೆ ಹೆದರಿ ಅಗತ್ಯ ದಾಖಲೆಗಳನ್ನು ಮಾಡಿಸಿಕೊಳ್ಳುವುದಕ್ಕೆ ಆರ್‌ಟಿಒ ಕಚೇರಿಗೆ ದುಂಬಾಲು ಬೀಳಲಾಗುತ್ತಿದೆ.

ಈ ಮುಂಚೆ ಜಿಲ್ಲೆಯಲ್ಲಿಪ್ರತಿ ತಿಂಗಳು ಸರಾಸರಿ 45-50 ಕಲಿಕಾ ಚಾಲನಾ ಪರವಾನಗಿಗೆ ಕೋರಿ ಅರ್ಜಿಗಳು ಸ್ವೀಕರಿಸಲಾಗುತ್ತಿತ್ತು. ಆದರೀಗ, 65ಕ್ಕೂ ಅಧಿಕ ಅರ್ಜಿಗಳು ಬರುತ್ತಿವೆ. ಅದೇ ರೀತಿ, ಹೊಸ ವಾಹನಗಳನ್ನು ಖರೀದಿಸಿ ಸುಮಾರು ತಿಂಗಳಾದರೂ ತಾತ್ಕಾಲಿಕ ನೋಂದಣಿ (ಟಿಆರ್‌) ಸಂಖ್ಯೆಯಲ್ಲಿಯೇ ಓಡಿಸಲಾಗುತ್ತಿತ್ತು. ಆದರೀಗ, ನೋಂದಣಿ ಪತ್ರ (ಆರ್‌ಸಿ) ಪಡೆಯುವುದಕ್ಕಾಗಿ ಈ ಹಿಂದೆ ತಿಂಗಳಿಗೆ 1600 ವಾಹನಗಳು ಬರುತ್ತಿದ್ದವು. ಆದರೀಗ, ಎರಡು ಸಾವಿರ ಬರುತ್ತಿವೆ. ಹೀಗೆ, ಪ್ರಮಾಣದಲ್ಲಿಶೇ.25ರಷ್ಟು ಏರಿಕೆ ಆಗಿದೆ.

ಶಿವಮೊಗ್ಗದಲ್ಲಿ2,22,926 ದ್ವಿಚಕ್ರ ವಾಹನ, 44,770 ಕಾರುಗಳಿವೆ. ಇವುಗಳಲ್ಲಿಬಹುತೇಕ ವಾಹನಗಳಿಗೆ ಎಫ್‌ಸಿ ಇಲ್ಲ. ಅಂತಹವು ಸಾಕಷ್ಟು ಪ್ರಮಾಣದಲ್ಲಿಬರುತ್ತಿವೆ. ಸೆ.6ರಿಂದ ಇದುವರೆಗೆ ಲಕ್ಷಾಂತರ ರೂ. ದಂಡ ವಿಧಿಸಲಾಗಿದೆ. ಸೆ.6ರಂದು 36 ಪ್ರಕರಣಗಳಲ್ಲಿ24,900 ರೂ., 7ರಂದು 71 ಪ್ರಕರಣಗಳಲ್ಲಿ59,900, 8ರಂದು 54ರಲ್ಲಿ46,100, 9ರಂದು 39ರಲ್ಲಿ23,700 ದಂಡ ಹಾಕಲಾಗಿದೆ. ವಾಹನ ಚಾಲಕರು ದಂಡದಿಂದ ತಪ್ಪಿಸಿಕೊಳ್ಳಲು ಕಾಯಂ ದಾಖಲೆಗಳತ್ತ ಮುಖ ಮಾಡಿದ್ದಾರೆ.

* ಮೂಲೆಯಲ್ಲಿಬಿದ್ದಿದ್ದ ಹೆಲ್ಮೆಟ್‌ಗೆ ಮರು ಬೇಡಿಕೆ: ಮನೆಯಲ್ಲಿಹೆಲ್ಮೆಟ್‌ ಇದ್ದರೂ ಧರಿಸಲು ಹಿಂದೇಟು ಹಾಕುತ್ತಿದ್ದವರು, ಈ ಜೀವರಕ್ಷಕನ ಮೊರೆ ಹೋಗಿದ್ದಾರೆ. ನಗರದಲ್ಲಿಪ್ರಮುಖ ರಸ್ತೆಗಳಲ್ಲಿಬಹುತೇಕ ಚಾಲಕರು ಹೆಲ್ಮೆಟ್‌ ಧರಿಸದೇ ರಸ್ತೆಗಿಳಿಯುವ ನಿದರ್ಶನ ಕಡಿಮೆ. ತೀರ್ಥಹಳ್ಳಿ, ಸಾಗರ ಸೇರಿದಂತೆ ವಿವಿಧ ರಸ್ತೆಗಳಲ್ಲೂಟ್ರಾಫಿಕ್‌ ಪೊಲೀಸರು ನಿಲ್ಲುತ್ತಿರುವುದರಿಂದ ಹೆಲ್ಮೆಟ್‌ ಹಾಕಲಾಗುತ್ತಿದೆ. ಇವೆಲ್ಲವುಗಳ ನಡುವೆಯೂ ನಗರದ ಜೈಲು ರಸ್ತೆ, ಮಹಾವೀರ ಸರ್ಕಲ್‌, ಗೋಪಿ ಸರ್ಕಲ್‌ಗಳಲ್ಲಿಹೆಲ್ಮೆಟ್‌ ಇಲ್ಲದೇ ಸಂಚರಿಸಲಾಗುತ್ತಿದೆ. ದಿನಕ್ಕೆ 70-80 ಹೆಲ್ಮೆಟ್‌ಗಳ ಮಾರಾಟವಾಗುತ್ತಿದೆ.