ಲಿಂಗನಮಕ್ಕಿ, ಭದ್ರಾಕ್ಕೆ ತಲಾ 1 ಅಡಿ ನೀರು

ಶಿವಮೊಗ್ಗ : ಜಿಲ್ಲೆಯಲ್ಲಿ ಮಾನ್ಸೂನ್‌ ಮಳೆ ಮುಂದುವರಿದಿದ್ದು ಎರಡು ದಿನಗಳ ಮಳೆಯಿಂದಾಗಿ ಜಲಾಶಯಗಳ ಒಳಹರಿವು ಮತ್ತಷ್ಟು ಏರಿಕೆಯಾಗಿದೆ.

ಲಿಂಗನಮಕ್ಕಿ ಜಲಾಶಯದ ಒಳಹರಿವು 10ಸಾವಿರ ಕ್ಯೂಸೆಕ್‌ಗೆ, ಭದ್ರಾ ಜಲಾಶಯದ ಒಳಹರಿವು 3,500 ಕ್ಯೂಸೆಕ್‌ಗೆ ಏರಿಕೆಯಾಗಿದ್ದು ಎರಡೂ ಜಲಾಶಯಗಳಿಗೆ ತಲಾ ಒಂದು ಅಡಿ ನೀರು ಬಂದಿದೆ. ತುಂಗಾ ಜಲಾಶಯದ ಒಳಹರಿವು 4ಸಾವಿರ ಕ್ಯೂಸೆಕ್‌ಗೆ ಏರಿಕೆಯಾಗಿದ್ದು ಅಷ್ಟೇ ಪ್ರಮಾಣದ ನೀರನ್ನು ಹೊರಬಿಡಲಾಗುತ್ತಿದೆ. ಜಲಾಶಯದ ಒಳಹರಿವು 8 ಸಾವಿರ ಕ್ಯೂಸೆಕ್‌ ಮೀರಿದಲ್ಲಿ ಕ್ರಸ್ಟ್‌ಗೇಟ್‌ಗಳನ್ನು ತೆಗೆದು ನೀರನ್ನು ನದಿಗೆ ಹರಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪಶ್ಚಿಮಘಟ್ಟ ವ್ಯಾಪ್ತಿಯಲ್ಲಿ ಜೋರು ಮಳೆಯಾಗುತ್ತಿರುವುದರಿಂದ ನದಿಗಳ ನೀರಿನ ಮಟ್ಟ ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆ ಇದೆ.

ಜಿಲ್ಲೆಯಲ್ಲಿ ರಾತ್ರಿ ಪೂರ್ತಿ ಜಿಟಿ ಹಿಡಿದ ಮಳೆಯು ಶನಿವಾರ ಮಧ್ಯಾಹ್ನದವರೆಗೂ ಅದೇ ರೀತಿಯಲ್ಲಿ ಮುಂದುವರಿದಿತ್ತು. ನಿರಂತರ ತುಂತುರು ಮಳೆಯಿಂದಾಗಿ ವಾತಾವರಣದಲ್ಲಿ ತಂಪು ಮೂಡಿದೆ. ಆಗುಂಬೆಯಲ್ಲಿ ಅತಿಹೆಚ್ಚು 130.6 ಮಿ. ಮೀ. ಮಳೆಯಾಗಿದೆ. ಸಾಗರದಲ್ಲಿ 78.8 ಮಿ.ಮೀ., ಹೊಸನಗರದಲ್ಲಿ 65.1, ತೀರ್ಥಹಳ್ಳಿಯಲ್ಲಿ 56.1, ಸೊರಬದಲ್ಲಿ 49, ಶಿಕಾರಿಪುರದಲ್ಲಿ 28.1, ಶಿವಮೊಗ್ಗದಲ್ಲಿ 25.4, ಭದ್ರಾವತಿಯಲ್ಲಿ 17.6 ಮಳೆಯಾಗಿದೆ.

------------------
ಜಲಾಶಯಗಳ ನೀರಿನ ಮಟ್ಟ

ಲಿಂಗನಮಕ್ಕಿ

ಪೂರ್ಣ ಮಟ್ಟ- 1819 ಅಡಿ

ಇಂದಿನ ಮಟ್ಟ- 1752.30 ಅಡಿ

ಒಳಹರಿವು- 9997 ಕ್ಯೂಸೆಕ್‌

---------------------

ಭದ್ರಾ

ಪೂರ್ಣ ಮಟ್ಟ- 186 ಅಡಿ

ಇಂದಿನ ಮಟ್ಟ- 114.1 ಅಡಿ

ಒಳಹರಿವು- 3544.00 ಕ್ಯೂಸೆಕ್‌