ಮಳೆಗಾಗಿ ಬೇಗೂರು ಗ್ರಾಮಸ್ಥರಿಂದ ಪ್ರಾರ್ಥನೆ

ಶಿಕಾರಿಪುರ: ಸತತ ಐದು ವರ್ಷದಿಂದ ತಾಲೂಕಿನ ಬೇಗೂರು ಗ್ರಾಮದ ಕೆರೆ ತುಂಬಿಲ್ಲ. ಈ ಬಾರಿಯಾದರೂ ವರುಣ ದೇವ ಕೃಪೆದೋರಿ ಕೆರೆ ತುಂಬಿಸಲಿ ಎನ್ನುವ ಆಶಯದೊಂದಿಗೆ ಸೋಮವಾರ ಗ್ರಾಮಸ್ಥರು ಗ್ರಾಮ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿದರು.

ಗ್ರಾಮದ ಹಿರೇಕೆರೆ, ದೇವಸ್ಥಾನ ಹೊಂಡ ಕಳೆದ ಐದು ವರ್ಷದಿಂದಲೂ ತುಂಬಿಲ್ಲ. ಈ ವರ್ಷವಾದರೂ ಕೆರೆ ತುಂಬಲಿ ಎಂದು ಪ್ರಾರ್ಥಿಸಿ ದೇವಸ್ಥಾನ ಸಮಿತಿಯಿಂದ ಗ್ರಾಮ ದೇವರಾದ ಶ್ರೀ ಮಳೆ ಮಲ್ಲೇಶ್ವರ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿದರೆ, ಮಹಿಳೆಯರು ಕೆರೆಗೆ ಪೂಜೆ ಸಲ್ಲಿಸಿದರು. ಗ್ರಾಮದ ಎಲ್ಲರೂ ತಮ್ಮ ಮನೆಯಲ್ಲಿ ಪ್ರಸಾದ ತಯಾರಿಸಿ ತಲೆಮೇಲೆ ಹೊತ್ತುಕೊಂಡು ಮೆರವಣಿಗೆಯಲ್ಲಿ ಆಗಮಿಸಿ ಕೆರೆ ಅಂಗಳದಲ್ಲಿ ಊಟ ಮಾಡಿದರು. ದೇವಸ್ಥಾನ ಸಮಿತಿ ಅಧ್ಯಕ್ಷ ರು, ಪದಾಧಿಕಾರಿಗಳು, ಗ್ರಾಮಸ್ಥರು ಇದ್ದರು.