ಮಂಕಿ ಪಾರ್ಕ್ ಅಂದಾಜು ಪಟ್ಟಿ ಸಿದ್ಧಪಡಿಸಿ ವರದಿ ಕೊಡಿ

ಶಿವಮೊಗ್ಗ: ಸಾಗರ ಅರಣ್ಯ ಭಾಗದಲ್ಲಿಗುರುತಿಸಿ ರುವ ಮಂಕಿ ಪಾರ್ಕ್ ನಿರ್ಮಾಣದ ಜಾಗ ಪರಿಶೀಲಿಸಿ, ಕೂಡಲೇ ಅಂದಾಜು ಪಟ್ಟಿ ಸಿದ್ಧಪಡಿಸಿ ವರದಿ ನೀಡುವಂತೆ ಅಡಕೆ ಟಾಸ್‌ಫೋರ್ಸ್‌ ಅಧ್ಯಕ್ಷ ಆರಗ ಜ್ಞಾನೇಂದ್ರ ಸೂಚಿಸಿದರು.
ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಮಂಕಿ ಪಾರ್ಕ್ ಸ್ಥಾಪನೆ ಕುರಿತು ಬುಧವಾರ ನಡೆದ ಅರಣ್ಯ ಇಲಾಖೆ ಹಾಗೂ ಪಂಚಾಯತ್‌ ರಾಜ್‌ ಇಲಾಖೆ ಸಭೆಯಲ್ಲಿಅರಣ್ಯಾಧಿಕಾರಿಗಳಿಗೆ ಹೇಳಿದರು.
ಈಗಾಗಲೇ 360 ಎಕರೆ ಜಾಗ ಮಂಕಿ ಪಾರ್ಕ್ಗೆ ಅಗತ್ಯ ಇರುವುದಾಗಿ ಅಂದಾಜಿಸಲಾಗಿದೆ. ಈ ಜಾಗದಲ್ಲಿಮಂಗಗಳಿಗೆ ನೀರಿನ ವ್ಯವಸ್ಥೆ ಇರುವಂತಹ ಜಾಗ ಹುಡುಕುವಂತೆ ತಿಳಿಸಿದರು. ಜಿಲ್ಲಾಧಿಕಾರಿ ಕೆ.ಬಿ.ಶಿವಕುಮಾರ್‌, ಅಪರ ಜಿಲ್ಲಾಧಿಕಾರಿ ಜಿ.ಅನುರಾಧ, ಜಿಲ್ಲಾಪಂಚಾಯಿತಿ ಸಿಇಒ ಎಂ.ಎಲ್‌.ವೈಶಾಲಿ, ಶಿವಮೊಗ್ಗ ಎಸಿ ಟಿ.ವಿ.ಪ್ರಕಾಶ್‌, ಶಿವಮೊಗ್ಗ ತಹಸೀಲ್ದಾರ್‌ ಬಿ.ಎನ್‌.ಗಿರೀಶ್‌, ಸಾಗರ ವಿಭಾಗದ ಅರಣ್ಯಾಧಿಕಾರಿಗಳು, ಹೊಸನಗರ ತಹಸೀಲ್ದಾರ್‌ ಸಭೆಯಲ್ಲಿಇದ್ದರು.