ಶರಾವತಿ ಉಳಿಸಿ ಯುವ ಹೋರಾಟಗಾರರಿಂದ ಪ್ರತಿಭಟನೆ

ಸಾಗರ: ಲಿಂಗನಮಕ್ಕಿ ಜಲಾಶಯದಿಂದ ಬೆಂಗಳೂರಿಗೆ ನೀರು ಸರಬರಾಜು ಮಾಡುವ ಯೋಜನೆ ವಿರೋಧಿಸಿ ಸೋಮವಾರ ಶರಾವತಿ ಉಳಿಸಿ ಯುವ ಹೋರಾಟಗಾರರ ವೇದಿಕೆಯಿಂದ ಬೃಹತ್‌ ಪ್ರತಿಭಟನೆ ನಡೆಸಲಾಯಿತು.

ಸ್ಥಳೀಯ ಸರಕಾರಿ ಪಿಯು ಕಾಲೇಜು, ಪದವಿ ಕಾಲೇಜು ಹಾಗೂ ಶ್ರೀಮತಿ ಇಂದಿರಾಗಾಂಧಿ ಸರಕಾರಿ ಪ್ರಥಮದರ್ಜೆ ಮಹಿಳಾ ಕಾಲೇಜು ಮುಂತಾದ ಶಿಕ್ಷ ಣ ಸಂಸ್ಥೆಗಳ ಸುಮಾರು 4 ಸಾವಿರಕ್ಕೂ ಹೆಚ್ಚಿನ ವಿದ್ಯಾರ್ಥಿಗಳು ಸುರಿವ ಮಳೆಯನ್ನೂ ಲೆಕ್ಕಿಸದೇ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು. ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿದ ಮೆರವಣಿಗೆಯು ನಂತರ ಉಪವಿಭಾಗಾಧಿಕಾರಿಗಳ ಕಚೇರಿ ಎದುರು ಜಮಾವಣೆಗೊಂಡು ಮೆರವಣಿಗೆ ನಡೆಸಿ, ಉಪವಿಭಾಗಾಧಿಕಾರಿಗೆ ಮನವಿ ಸಲ್ಲಿಸಲಾಯಿತು.

ಪ್ರತಿಭಟನೆ ಉದ್ದೇಶಿಸಿ ಮಾತನಾಡಿದ ವಿದ್ಯಾರ್ಥಿ ಮುಖಂಡ ಶ್ರೀಕರ್‌ ಭಟ್‌, ಯೋಜನೆಯನ್ನು ತಕ್ಷ ಣ ಕೈಬಿಡಬೇಕು ಎಂದು ಒತ್ತಾಯಿಸಿದರು.

ವೇದಿಕೆ ಸಂಚಾಲಕ ಸಂಜಯ್‌ ಶೇಟ್‌, ಪ್ರಮುಖರಾದ ಅಶ್ವಿನಿ, ಸ್ಪೂರ್ತಿ, ಮಾನಸ, ಅನೀಶ್‌, ಸುಬ್ರಹ್ಮಣ್ಯ, ನಾಗರಾಜ ಶೆಟ್ಟಿ, ಗಣೇಶ್‌ ಶ್ಯಾನಭಾಗ್‌, ಸುಮಿತ್‌, ಪವನ್‌ ಪ್ರಸಾದ್‌, ತುಷಾರ್‌, ಮಹಂತೇಶ್‌, ಸುಧೀರ್‌, ನಾಗರಾಜ, ಮಹೇಶ, ಸುಮುಖ, ವೀಣಾ, ವಸುದೇವ ಮತ್ತಿತರರು ಪಾಲ್ಗೊಂಡಿದ್ದರು. ವಿದ್ಯಾರ್ಥಿಗಳ ಪ್ರತಿಭಟನೆ ಬೆಂಬಲಿಸಿ ಹಿರಿಯರು ಸಹ ಮೆರವಣಿಗೆಯಲ್ಲಿ ಭಾಗವಹಿಸಿದ್ದರು.