ಆ್ಯಪ್ನಗರ

ಕಲ್ಲೊಡ್ಡು ಯೋಜನೆ ವಿರೋಧಿಸಿ ಪ್ರತಿಭಟನೆ ನಾಳೆ

ಸಾಗರ ತಾಲೂಕಿನ ಮಜರೆ ಕುಂದೂರು ಬಳಿ ನಿರ್ಮಿಸಲು ಉದ್ದೇಶಿಸಿರುವ ಕಲ್ಲೊಡ್ಡು ಹಳ್ಳ ಯೋಜನೆ ಕೈಬಿಡುವಂತೆ ಆಗ್ರಹಿಸಿ ಕಲ್ಲೊಡ್ಡು ಹಳ್ಳ, ಹೊಸಕೆರೆ ನಿರ್ಮಾಣ ವಿರೋಧಿ ಹೋರಾಟ ಸಮಿತಿ ಹಾಗೂ ಬರೂರು ಗ್ರಾಮಸ್ಥರು ಆ.26ರಂದು ಸಾಗರದಲ್ಲಿ ಬೃಹತ್‌ ಪ್ರತಿಭಟನೆ ಹಮ್ಮಿಕೊಂಡಿದ್ದಾರೆ.

Vijaya Karnataka 25 Aug 2019, 5:00 am
ಶಿವಮೊಗ್ಗ: ಸಾಗರ ತಾಲೂಕಿನ ಮಜರೆ ಕುಂದೂರು ಬಳಿ ನಿರ್ಮಿಸಲು ಉದ್ದೇಶಿಸಿರುವ ಕಲ್ಲೊಡ್ಡು ಹಳ್ಳ ಯೋಜನೆ ಕೈಬಿಡುವಂತೆ ಆಗ್ರಹಿಸಿ ಕಲ್ಲೊಡ್ಡು ಹಳ್ಳ, ಹೊಸಕೆರೆ ನಿರ್ಮಾಣ ವಿರೋಧಿ ಹೋರಾಟ ಸಮಿತಿ ಹಾಗೂ ಬರೂರು ಗ್ರಾಮಸ್ಥರು ಆ.26ರಂದು ಸಾಗರದಲ್ಲಿ ಬೃಹತ್‌ ಪ್ರತಿಭಟನೆ ಹಮ್ಮಿಕೊಂಡಿದ್ದಾರೆ.
Vijaya Karnataka Web protests tomorrow against kalladdu project
ಕಲ್ಲೊಡ್ಡು ಯೋಜನೆ ವಿರೋಧಿಸಿ ಪ್ರತಿಭಟನೆ ನಾಳೆ


ನಗರದಲ್ಲಿ ಶನಿವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಇದೊಂದು ಅವೈಜ್ಞಾನಿಕ ಯೋಜನೆಯಾಗಿದೆ. ಸಾಗರ ತಾಲೂಕಿನ ಕಸಬಾ ಹೋಬಳಿಯ ಬರೂರು ಊರ ಬಾಗಿಲ ಕೆರೆಯಿಂದ ಕಲ್ಲೊಡ್ಡು ಹಳ್ಳ ಹರಿಯುತ್ತಿದ್ದು, 3-4 ಕೆರೆ ತುಂಬಿ ಬರುವ ನೀರು ಅನಂತರ ಚಿಕ್ಕ ಹಳ್ಳವಾಗಿ ಮಳೆಗಾಲದಲ್ಲಿ ಮಾತ್ರ ಕಡಿಮೆ ಪ್ರಮಾಣದಲ್ಲಿ ಹರಿಯುತ್ತವೆ. ಯಾವುದೇ ಕಾರಣಕ್ಕೂ ಅಣೆಕಟ್ಟು ಕಟ್ಟುವಂತಹ ಯೋಜನೆ ಅಲ್ಲ. ಆದರೆ, ರಾಜ್ಯ ಸರಕಾರ ಈ ಯೋಜನೆಗಾಗಿ ಈಗ 127 ಕೋಟಿ ರೂ. ಬಿಡುಗಡೆ ಮಾಡಿದೆ. ಯೋಜನೆ ಕೈಗೆತ್ತಿಕೊಳ್ಳಲು ಬಿಡುವುದಿಲ್ಲ ಎಂದು ಹೋರಾಟ ಸಮಿತಿ ಅಧ್ಯಕ್ಷ ಕೆ.ಸಿ.ಟೀಕಪ್ಪ ತಿಳಿಸಿದರು.

ಈ ಯೋಜನೆಯಿಂದ ಬರೂರು ಗ್ರಾಮ ಪಂಚಾಯಿತಿಯ 800 ರೈತ ಕುಟುಂಬ ಬೀದಿಗೆ ಬೀಳಲಿದೆ. ಈಗಾಗಲೇ ಶರಾವತಿ ಯೋಜನೆಅಡಿ ನಿರ್ಮಿಸಲಾಗಿರುವ ಹಿರೇಭಾಸ್ಕರ ಜಲಾಶಯದಿಂದ 200 ಕುಟುಂಬಗಳು ಬೀದಿಪಾಲಾಗಿವೆ.

ಈಗ ಕಲ್ಲೊಡ್ಡು ಹೊಸಕೆರೆ ನಿರ್ಮಾಣದಿಂದ ಗ್ರಾಮವೇ ಬೀದಿಗೆ ಬರಲಿದೆ. ಆದ್ದರಿಂದ, ಯಾವುದೋ ಭಾಗದ ರೈತರನ್ನು ಸಂತೋಷಪಡಿಸಲು ನಮ್ಮನ್ನು ಮುಳುಗಡೆ ಮಾಡಿ ಬದುಕಿನೊಂದಿಗೆ ಸರಕಾರ ಚೆಲ್ಲಾಟವಾಡಲು ಬಿಡುವುದಿಲ್ಲ ಎಂದು ಎಚ್ಚರಿಸಿದರು. ಹೋರಾಟ ಸಮಿತಿ ಉಪಾಧ್ಯಕ್ಷ ಕೆ.ಟಿ.ಗಣಪತಿ ಉಪಸ್ಥಿತರಿದ್ದರು.

===

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ