ಸಂತ್ರಸ್ತರಿಗೆ ಕೂಡಲೇ ಪರಿಹಾರ ಕೊಡಿ

ಶಿವಮೊಗ್ಗ: ಶಿವಮೊಗ್ಗ ಜಿಲ್ಲೆಸೇರಿದಂತೆ ರಾಜ್ಯದಲ್ಲಿಭಾರಿ ಮಳೆಯಿಂದಾಗಿ ಉಂಟಾಗಿರುವ ಅತಿವೃಷ್ಟಿ ಪರಿಸ್ಥಿತಿ ನಿಭಾಯಿಸುವಲ್ಲಿಕೇಂದ್ರ ಹಾಗೂ ರಾಜ್ಯ ಸರಕಾರ ಸಂಪೂರ್ಣ ವಿಫಲವಾಗಿದೆ ಎಂದು ಆರೋಪಿಸಿ ಜಿಲ್ಲಾಕಾಂಗ್ರೆಸ್‌ ಸಮಿತಿ ವತಿಯಿಂದ ಶನಿವಾರ ಡಿಸಿ ಕಚೇರಿ ಎದುರು ಪ್ರತಿಭಟನೆ ನಡೆಸಲಾಯಿತು.

ರಾಜ್ಯದಲ್ಲಿಉಂಟಾಗಿರುವ ಅತಿವೃಷ್ಟಿ ಪರಿಸ್ಥಿತಿಯನ್ನು ರಾಷ್ಟ್ರೀಯ ವಿಪತ್ತು ಎಂದು ಘೋಷಿಸಲು ರಾಜ್ಯ ಸರಕಾರ ವತಿಯಿಂದ ಕೇಂದ್ರ ಸರಕಾರವನ್ನು ಒತ್ತಾಯಿಸುವುದರ ಜತೆಗೆæ ರಾಜ್ಯ ಸರಕಾರ ಸಂತ್ರಸ್ತರಿಗೆ ಕೂಡಲೇ ಘೋಷಿಸಿರುವ ಪರಿಹಾರ ತಲುಪಿಸಬೇಕೆಂದು ಪ್ರತಿಭಟನಾಕಾರರು ಒತ್ತಾಯಿಸಿದರು.

ರಾಜ್ಯದಲ್ಲಿಸುಮಾರು 30ಸಾವಿರ ಕೋಟಿ. ರೂ.ನಷ್ಟ ಉಂಟಾಗಿದೆ. ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ರಾಜ್ಯಕ್ಕೆ ಬಂದು ವೀಕ್ಷಿಸಿದ ನಂತರವೂ ಕೇಂದ್ರದಿಂದ ಯಾವುದೇ ಪರಿಹಾರ ನೀಡಿಲ್ಲ. ಇನ್ನೂ ಸಿಎಂ ಕೂಡ ನೆರೆ ಸಂತ್ರಸ್ತರಿಗೆ ಯಾವುದೇ ರೀತಿಯ ಪರಿಹಾರ ನೀಡದೆ ಸರಕಾರಿ ನೌಕರರ ವರ್ಗಾವಣೆಯಲ್ಲಿನಿರತರಾಗಿದ್ದಾರೆ ಎಂದು ಆರೋಪಿಸಿದರು.

ದೇಶದ ಆರ್ಥಿಕ ಪರಿಸ್ಥಿತಿ ಚಿಂತಾಜನಕವಾಗಿದ್ದು, ಅದರಂತೆ ಜಿಡಿಪಿ 5ಕ್ಕೆ ತಲುಪಿದೆ ಹಾಗೂ ರೂಪಾಯಿ ಮೌಲ್ಯ 72.03ರೂ. ಗೆ ಕುಸಿದಿದೆ. ದೇಶದ ರಾಷ್ಟಿ್ರಕೃತ ಬ್ಯಾಂಕ್‌ಗಳಲ್ಲಿಎನ್‌ಪಿಎ ಜಾಸ್ತಿಯಾಗಿ ಹೊಸ ಸಾಲ ನೀಡುತ್ತಿಲ್ಲ. ದೇಶದ 36 ದೊಡ್ಡ ಸಾಲಗಾರರು ದೇಶ ಬಿಟ್ಟು ಹೋಗಿದ್ದಾರೆ. ಬಂಗಾರದ ಆಮದು ಶೇ.35ರಷ್ಟು ಹೆಚ್ಚಾಗಿ ಚಿನ್ನ, ಬೆಳ್ಳಿ ಕೆಲಸಗಾರರು ಆತಂಕಕ್ಕೀಡಾಗಿದ್ದಾರೆ. ಜವಳಿ ಉದ್ಯಮದ 300ಕ್ಕೂ ಹೆಚ್ಚು ಕಾರ್ಖಾನೆಗಳು ಮುಚ್ಚಲ್ಪಟ್ಟಿವೆ. ದೊಡ್ಡ ಕಾರ್ಖಾನೆಗಳು ಉದ್ಯೋಗ ಕಡಿತಗೊಳಿಸಿವೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ರಾಜ್ಯದಲ್ಲಿಅಡಕೆ ಬೆಳೆಗೆ ಕೊಳೆ ರೋಗ ಬಂದು ಸಂಪೂರ್ಣ ನಾಶವಾಗಿದ್ದು, ಪರಿಹಾರಕ್ಕಾಗಿ ವಿಶೇಷ ಪ್ಯಾಕೇಜ್‌ ನೀಡಬೇಕು. ಜಿಲ್ಲೆಯಲ್ಲಿಸುರಿದ ಭಾರಿ ಮಳೆ ಪರಿಣಾಮ ಸಾಕಷ್ಟು ಹಾನಿಯಾಗಿದೆ. ನೂರಾರು ಮನೆಗಳು ಹಾಳಾಗಿದ್ದು, ಭತ್ತ, ಅಡಕೆ ನಾಶವಾಗಿದೆ. ತಕ್ಷಣ ಎಲ್ಲರಿಗೂ ಸರಕಾರ ಸ್ಪಂದಿಸಬೇಕೆಂದು ಒತ್ತಾಯಿಸಿದರು.

ಪ್ರತಿಭಟನೆಯಲ್ಲಿಮಾಜಿ ಸಚಿವ ಕಾಗೋಡುತಿಮ್ಮಪ್ಪ, ಜಿಲ್ಲಾಕಾಂಗ್ರೆಸ್‌ ಅಧ್ಯಕ್ಷ ಎಚ್‌.ಎಸ್‌.ಸುಂದರೇಶ್‌, ಮಾಜಿ ಶಾಸಕ ಕೆ.ಬಿ.ಪ್ರಸನ್ನಕುಮಾರ್‌, ಮುಖಂಡರಾದ ಬಿ.ಎ.ರಮೇಶ್‌ ಹೆಗಡೆ, ವಿಶ್ವನಾಥ್‌ ಕಾಶಿ, ವೈ.ಎಚ್‌.ನಾಗರಾಜ್‌, ಎಸ್‌.ಪಿ.ಶೇಷಾದ್ರಿ, ಎಲ್‌.ರಾಮೇಗೌಡ, ವಿಜಯಲಕ್ಷಿತ್ರ್ಮೕಪಾಟೀಲ್‌, ಎಸ್‌.ಪಿ.ದಿನೇಶ್‌ ಮತ್ತಿತರರು ಹಾಜರಿದ್ದರು