ಪಂಜಾಬ್‌ ಮಾದರಿ ನೌಕರರ ಕಾಯಂಗೊಳಿಸಿ

ಶಿವಮೊಗ್ಗ: ಹೊರಗುತ್ತಿಗೆ ಪದ್ಧತಿ ರದ್ದು ಪಡಿಸಿ, ಹೊರಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡುತ್ತಿರುವ ಎಲ್ಲನೌಕರರನ್ನು ಕಾಯಂಗೊಳಿಸಬೇಕೆಂದು ಜಿಲ್ಲಾಧಿಧಿಕಾರಿ ಕಚೇರಿ ಎದುರು ಸೋಮವಾರ ರಾಜ್ಯ ಸರಕಾರಿ ದಿನಗೂಲಿ ನೌಕರರ ಸಂಘ ಪ್ರತಿಭಟನೆ ನಡೆಸಿತು.

ಹೊರಗುತ್ತಿಗೆ ಪದ್ಧತಿ ರದ್ದು ಮಾಡಬೇಕು, ಈಗ ಹೊರಗುತ್ತಿಗೆ ಮೇಲೆ ಕೆಲಸ ಮಾಡುತ್ತಿರುವ ಎಲ್ಲನೌಕರರನ್ನು ಕಾಯಂಗೊಳಿಸಬೇಕು ಮತ್ತು ಸೌಲಭ್ಯಗಳನ್ನು ವಿಸ್ತರಿಸಬೇಕು, ತುಟ್ಟಿಭತ್ಯೆ ಹಾಗೂ ಮನೆಬಾಡಿಗೆ ಭತ್ಯೆ ಹೆಚ್ಚಿಸಬೇಕು, ಖಾಲಿ ಹುದ್ದೆಗಳಿಗೆ ಇವರನ್ನೇ ನೇಮಿಸಬೇಕೆಂದು ಆಗ್ರಹಿಸಿದರು.

ದಿನಗೂಲಿ ನೌಕರರಾಗಿದ್ದು ನಿವೃತ್ತಿಯಾದವರಿಗೆ 8 ವರ್ಷಗಳ ಗರಿಷ್ಟ ಹೆಚ್ಚುವರಿ ಅರ್ಹತೆ ನೀಡಬೇಕು. ಹೊಸ ಪಿಂಚಣಿಯಂತೆ ವೇತನ ನೀಡಬೇಕು, ವ್ಯತ್ಯಾಸದ ಬಾಕಿ ಹಣ ತುಂಬಬೇಕು. ಇತ್ತೀಚೆಗೆ ಆರೋಗ್ಯ ಇಲಾಖೆಯಲ್ಲಿವಜಾ ಮಾಡಿರುವ ನೌಕರರನ್ನು ಮರು ನೇಮಕ ಮಾಡಿಕೊಳ್ಳಬೇಕು, ಪಂಜಾಬ್‌ ಮಾದರಿಯಲ್ಲಿಎಲ್ಲನೌಕರರನ್ನು ಕಾಯಂಗೊಳಿಸಬೇಕೆಂದು ಆಗ್ರಹಿಸಿದರು.

ಈ ಸಂದರ್ಭ ಜಿಲ್ಲಾಘಟಕದ ಅಧ್ಯಕ್ಷ ಎಂ.ಆರ್‌.ದೊರೆಸ್ವಾಮಿ, ಪ್ರಮುಖರಾದ ಆರ್‌.ಚಂದ್ರಶೇಖರ್‌, ಕೆ.ಎಂ.ಅಣ್ಣಪ್ಪ, ಲೀಲಾ, ಶಿವನಗೌಡ, ಜಯಪ್ಪ, ರವಿ, ಮೂಕಾಂಬಿಕಾ, ನವೀನ್‌, ಸುನಿಲ್‌, ನಾಗರಾಜ್‌, ರುದ್ರೇಶ್‌ ಮತ್ತಿತರರು ಇದ್ದರು.