ತೀರ್ಥಹಳ್ಳಿಯಲ್ಲಿ ಆಲಿಕಲ್ಲು ಮಳೆ

ತೀರ್ಥಹಳ್ಳಿ: ಗುಡುಗು ಸಿಡಿಲಬ್ಬರದಿಂದ ಆಲಿಕಲ್ಲು ಸಹಿತ ಸುರಿದ ಮಳೆ ಶನಿವಾರ ತಾಲೂಕಲ್ಲಿ ಜನರಿಗೆ ತಂಪಿನ ಜತೆಗೆ ಮುದ ನೀಡಿತು. ಸುಮಾರು ಅರ್ಧ ಗಂಟೆ ಸುರಿದ ಮಳೆಯಲ್ಲಿ ಆಲಿಕಲ್ಲುಗಳು ಧೋ ಎಂದು ಒಂದೇ ಸಮನೆ ಕೆಳಗೆ ಬಿದ್ದ ದೃಶ್ಯವನ್ನು ಜನರು ಕಣ್ತುಂಬಿಕೊಂಡರು.

ಈ ರೀತಿ ಆಗಿ ಆಲಿಕಲ್ಲು ಮಳೆ ಸುರಿದಿರುವುದನ್ನು ನಾವುಗಳು ಕಂಡಿಲ್ಲ ಎಂದು ಅನೇಕ ಹಿರಿಯರು ಅಭಿಪ್ರಾಯಿಸಿದರು. ಗುಡುಗು, ಸಿಡಿಲು, ಜೋರಾಗಿ ಬೀಸಿದ ಗಾಳಿ, ಆಲಿಕಲ್ಲು ಮಳೆ ಜನರನ್ನು ಖುಷಿ ಜೊತೆಗೆ ಭೀತರನ್ನಾಗಿಸಿತು. ಪಟ್ಟಣ, ಆಗುಂಬೆ ಭಾಗದಲ್ಲಿ ಜೋರಾಗಿ ಆಲಿಕಲ್ಲು ಮಳೆ ಸುರಿಯಿತು.