ಕಳವು ಮಾಡದೆ ವಾಪಾಸದ ಕಳ್ಳ

ತೀರ್ಥಹಳ್ಳಿ: ಮುಖಕವಚ ಧರಿಸಿ ಹೊಂಚು ಹಾಕಿ ಮನೆ ಆವರಣದ ಗೇಟಿನ ಹತ್ತಿರ ಬಂದು ಬೀದಿ ದೀಪ ಆರಿಸಿ ಮನೆ ಕಳವು ಮಾಡದೆ ವಾಪಸ್‌ ಹೋದ ಘಟನೆ ಶನಿವಾರ ಬೆಳಗಿನ ಜಾವ ಆಗುಂಬೆ ಪೊಲೀಸ್‌ ಠಾಣೆ ವ್ಯಾಪ್ತಿಯ ಹೊಸೂರು ಗ್ರಾಮದಲ್ಲಿನಡೆದಿದೆ.
ಚಡ್ಡಿ ಧರಿಸಿ ಕುಂಟುತ್ತಿದ್ದ ಮಧ್ಯವಯಸಿನ ವ್ಯಕ್ತಿ ಕಳವಿಗೆ ಬಂದು ವಾಪಾಸಾಗಿರುವುದು ಮನೆಯ ಸಿಸಿಟಿವಿ ಕ್ಯಾಮೆರಾದಲ್ಲಿದಾಖಲಾಗಿದೆ. ಶನಿವಾರ ಬೆಳಗಿನ ಜಾವ ಸುಮಾರು 2.30ಕ್ಕೆ ವ್ಯಕ್ತಿಯ ಕಳವು ಪ್ರಯತ್ನಿಸಿ ವಾಪಾಸಾಗಿರುವ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿಸೆರೆ ಆಗಿದೆ. ಆಗುಂಬೆ ಠಾಣೆ ವ್ಯಾಪ್ತಿಯಲ್ಲಿಕೆಲ ದಿನದಲ್ಲಿ ಹಗಲು, ರಾತ್ರಿ ಕಳವು ಘಟನೆಗಳು ನಡೆಯುತ್ತಿದ್ದು ಈ ಪ್ರಕರಣ ತನಿಖೆಗೆ ನೆರವು ಆದಂತಿದೆ.