ತೀರ್ಥಹಳ್ಳಿ (ಶಿವಮೊಗ್ಗ): ಕರಾವಳಿ, ಮಲೆನಾಡು ಜಿಲ್ಲೆಗಳನ್ನು ಅತಿ ಹತ್ತಿರದಲ್ಲಿ ಸಂಪರ್ಕಿಸುವ ಆಗುಂಬೆ ಘಾಟಿ ಮಾರ್ಗದಲ್ಲಿ ಮಾರ್ಚ್ 4 ರಿಂದ 10 ದಿನ ವಾಹನ ಸಂಚಾರ ನಿಲುಗಡೆ ಸಾಧ್ಯತೆ ಇದೆ.
ಆಗುಂಬೆ ಘಾಟಿಯ ತಪಾಸಣಾ ಕೇಂದ್ರದಿಂದ (ಗೇಟ್‌) ಹೆಬ್ರಿವರೆಗೆ ಡಾಂಬರೀಕರಣ ಕಾಮಗಾರಿ ಅನುಷ್ಠಾನದ ಹಿನ್ನೆಲೆಯಲ್ಲಿ ವಾಹನ ಸಂಚಾರ ನಿರ್ಬಂಧಿಸುವಂತೆ ಕೋರಿ ರಾಷ್ಟ್ರೀಯ ಹೆದ್ದಾರಿ ಶೃಂಗೇರಿ ಉಪ ವಿಭಾಗ ಶಿವಮೊಗ್ಗ, ಉಡುಪಿ ಜಿಲ್ಲಾಧಿಕಾರಿಗೆ ಪ್ರಸ್ತಾವನೆ ಸಲ್ಲಿಸಿದೆ. ಕಾಮಗಾರಿ ಅನುಷ್ಠಾನ 10 ದಿನದಲ್ಲಿ ಮುಕ್ತಾಯವಾಗದಿದ್ದರೆ ವಾಹನ ಸಂಚಾರ ನಿರ್ಬಂಧ ಅವಧಿ ಮುಂದುವರಿಯುವ ಸಾಧ್ಯತೆ ಇದೆ. ಬೇಸಿಗೆ ಅವಧಿಯಲ್ಲೇ ಡಾಂಬರೀಕರಣ ಕಾಮಗಾರಿ ಆರಂಭಿಸುವ ಉದ್ದೇಶದಲ್ಲಿ ರಾಷ್ಟ್ರೀಯ ಹೆದ್ದಾರಿ ಇಲಾಖೆ ತ್ವರಿತಗತಿಯಲ್ಲಿ ಆಡಳಿತಾತ್ಮಕ ಕ್ರಮಕ್ಕೆ ಮುಂದಾಗಿದೆ.
ಪದೇ ಪದೇ ನಿರ್ಬಂಧ
ಬಹಳಷ್ಟು ವರ್ಷಗಳಿಂದ ಶಿಥಿಲಾವಸ್ಥೆ ತಲುಪಿರುವ ಆಗುಂಬೆ ಘಾಟಿ ಮಾರ್ಗದ ದುರಸ್ತಿಗೆ ಸರಕಾರ ಕೋಟ್ಯಂತರ ರೂ. ವೆಚ್ಚ ಮಾಡಿದೆ. ಸುಮಾರು ಎರಡು ದಶಕಗಳಿಂದ ಘಾಟಿ ರಸ್ತೆ ದುರಸ್ತಿ ಕಾಮಗಾರಿ ನಡೆಯುತ್ತಿದ್ದು, ಈವರೆಗೂ ಪೂರ್ಣ ಕಾಮಗಾರಿ ಅನುಷ್ಠಾನವಾಗಿಲ್ಲ. 2012ರಿಂದ ಆಗುಂಬೆಯಿಂದ ಹೆಬ್ರಿವರೆಗಿನ ರಸ್ತೆ ಪ್ರದೇಶ ಸೋಮೇಶ್ವರ ವನ್ಯ ಜೀವಿ ಅಭಯಾರಣ್ಯ ವ್ಯಾಪ್ತಿಗೆ ಸೇರಿಕೊಂಡಿದೆ.
ಈ ರಸ್ತೆ ಮಾರ್ಗದಲ್ಲಿ ಆಧುನಿಕ ಯಂತ್ರ ಬಳಸಿ ವಿಸ್ತರಣೆ ಕಾಮಗಾರಿಗೆ ಅವಕಾಶ ದೊರೆಯುತ್ತಿಲ್ಲ. ವನ್ಯ ಜೀವಿ ಅಭಯಾರಣ್ಯ ಕಾಯಿದೆ ನಿಯಮಗಳು ಬಹಳ ಕಠಿಣವಾದ ಹಿನ್ನೆಲೆಯಲ್ಲಿ ರಸ್ತೆ ಮಾತ್ರ ಅಭಿವೃದ್ಧಿಪಡಿಸುವ ಅನಿವಾರ್ಯತೆ ಎದುರಾಗಿದೆ. ಕಳೆದ ಮೂರು ವರ್ಷದಿಂದ ಆಗುಂಬೆ ಘಾಟಿ ರಸ್ತೆ ದುರಸ್ತಿ ಕಾಮಗಾರಿ ಅನುಷ್ಠಾನವಾಗುತ್ತಿದ್ದು, ಪದೇ ಪದೇ ವಾಹನ ಸಂಚಾರ ನಿರ್ಬಂಧಿಸಲಾಗುತ್ತಿದೆ. ಆಗುಂಬೆ ಘಾಟಿ ಮಾರ್ಗದಲ್ಲಿ ಶಿಥಿಲಗೊಂಡ ಪ್ರಮುಖ ಸ್ಥಳಗಳ ದುರಸ್ತಿಗೆ 2019ರಲ್ಲಿ ಸುಮಾರು 1 ತಿಂಗಳು ವಾಹನ ಸಂಚಾರ ನಿರ್ಬಂಧಿಸಲಾಗಿತ್ತು.
'ಘಾಟಿ ಮಾರ್ಗದ ರಸ್ತೆ ಅಭಿವೃದ್ಧಿ ಕಾಮಗಾರಿ ಹಿನ್ನೆಲೆಯಲ್ಲಿ ವಾಹನ ಸಂಚಾರ ನಿಷೇಧದಿಂದ ಪ್ರಯಾಣಿಕರಿಗೆ ತುಂಬಾ ತೊಂದರೆ ಆಗಲಿದೆ. ಸ್ಥಳೀಯ ಪ್ರಯಾಣಿಕರ, ರೋಗಿಗಳ ಅನುಕೂಲಕ್ಕಾಗಿ ತೀರ್ಥಹಳ್ಳಿ - ಆಗುಂಬೆ ಸಂಪರ್ಕಕ್ಕೆ ಜಿಲ್ಲಾಡಳಿತ ವಿಶೇಷ ಬಸ್‌ ಸೌಕರ‍್ಯ ಒದಗಿಸಬೇಕು' ಎಂದು ಆಗುಂಬೆ ಗ್ರಾ. ಪಂ. ಮಾಜಿ ಅಧ್ಯಕ್ಷೆ ವೀಣಾ ಗಿರೀಶ್‌ ಆಗ್ರಹಿಸಿದ್ದಾರೆ.
ಆಗುಂಬೆ ಘಾಟಿಯ ತಪಾಸಣಾ ಕೇಂದ್ರದಿಂದ (ಗೇಟ್‌) ಹೆಬ್ರಿವರೆಗೆ ಡಾಂಬರೀಕರಣ ಕಾಮಗಾರಿ ಅನುಷ್ಠಾನದ ಹಿನ್ನೆಲೆಯಲ್ಲಿ ವಾಹನ ಸಂಚಾರ ನಿರ್ಬಂಧಿಸುವಂತೆ ಕೋರಿ ರಾಷ್ಟ್ರೀಯ ಹೆದ್ದಾರಿ ಶೃಂಗೇರಿ ಉಪ ವಿಭಾಗ ಶಿವಮೊಗ್ಗ, ಉಡುಪಿ ಜಿಲ್ಲಾಧಿಕಾರಿಗೆ ಪ್ರಸ್ತಾವನೆ ಸಲ್ಲಿಸಿದೆ. ಕಾಮಗಾರಿ ಅನುಷ್ಠಾನ 10 ದಿನದಲ್ಲಿ ಮುಕ್ತಾಯವಾಗದಿದ್ದರೆ ವಾಹನ ಸಂಚಾರ ನಿರ್ಬಂಧ ಅವಧಿ ಮುಂದುವರಿಯುವ ಸಾಧ್ಯತೆ ಇದೆ. ಬೇಸಿಗೆ ಅವಧಿಯಲ್ಲೇ ಡಾಂಬರೀಕರಣ ಕಾಮಗಾರಿ ಆರಂಭಿಸುವ ಉದ್ದೇಶದಲ್ಲಿ ರಾಷ್ಟ್ರೀಯ ಹೆದ್ದಾರಿ ಇಲಾಖೆ ತ್ವರಿತಗತಿಯಲ್ಲಿ ಆಡಳಿತಾತ್ಮಕ ಕ್ರಮಕ್ಕೆ ಮುಂದಾಗಿದೆ.
ಪದೇ ಪದೇ ನಿರ್ಬಂಧ
ಬಹಳಷ್ಟು ವರ್ಷಗಳಿಂದ ಶಿಥಿಲಾವಸ್ಥೆ ತಲುಪಿರುವ ಆಗುಂಬೆ ಘಾಟಿ ಮಾರ್ಗದ ದುರಸ್ತಿಗೆ ಸರಕಾರ ಕೋಟ್ಯಂತರ ರೂ. ವೆಚ್ಚ ಮಾಡಿದೆ. ಸುಮಾರು ಎರಡು ದಶಕಗಳಿಂದ ಘಾಟಿ ರಸ್ತೆ ದುರಸ್ತಿ ಕಾಮಗಾರಿ ನಡೆಯುತ್ತಿದ್ದು, ಈವರೆಗೂ ಪೂರ್ಣ ಕಾಮಗಾರಿ ಅನುಷ್ಠಾನವಾಗಿಲ್ಲ. 2012ರಿಂದ ಆಗುಂಬೆಯಿಂದ ಹೆಬ್ರಿವರೆಗಿನ ರಸ್ತೆ ಪ್ರದೇಶ ಸೋಮೇಶ್ವರ ವನ್ಯ ಜೀವಿ ಅಭಯಾರಣ್ಯ ವ್ಯಾಪ್ತಿಗೆ ಸೇರಿಕೊಂಡಿದೆ.
ಈ ರಸ್ತೆ ಮಾರ್ಗದಲ್ಲಿ ಆಧುನಿಕ ಯಂತ್ರ ಬಳಸಿ ವಿಸ್ತರಣೆ ಕಾಮಗಾರಿಗೆ ಅವಕಾಶ ದೊರೆಯುತ್ತಿಲ್ಲ. ವನ್ಯ ಜೀವಿ ಅಭಯಾರಣ್ಯ ಕಾಯಿದೆ ನಿಯಮಗಳು ಬಹಳ ಕಠಿಣವಾದ ಹಿನ್ನೆಲೆಯಲ್ಲಿ ರಸ್ತೆ ಮಾತ್ರ ಅಭಿವೃದ್ಧಿಪಡಿಸುವ ಅನಿವಾರ್ಯತೆ ಎದುರಾಗಿದೆ. ಕಳೆದ ಮೂರು ವರ್ಷದಿಂದ ಆಗುಂಬೆ ಘಾಟಿ ರಸ್ತೆ ದುರಸ್ತಿ ಕಾಮಗಾರಿ ಅನುಷ್ಠಾನವಾಗುತ್ತಿದ್ದು, ಪದೇ ಪದೇ ವಾಹನ ಸಂಚಾರ ನಿರ್ಬಂಧಿಸಲಾಗುತ್ತಿದೆ. ಆಗುಂಬೆ ಘಾಟಿ ಮಾರ್ಗದಲ್ಲಿ ಶಿಥಿಲಗೊಂಡ ಪ್ರಮುಖ ಸ್ಥಳಗಳ ದುರಸ್ತಿಗೆ 2019ರಲ್ಲಿ ಸುಮಾರು 1 ತಿಂಗಳು ವಾಹನ ಸಂಚಾರ ನಿರ್ಬಂಧಿಸಲಾಗಿತ್ತು.
'ಘಾಟಿ ಮಾರ್ಗದ ರಸ್ತೆ ಅಭಿವೃದ್ಧಿ ಕಾಮಗಾರಿ ಹಿನ್ನೆಲೆಯಲ್ಲಿ ವಾಹನ ಸಂಚಾರ ನಿಷೇಧದಿಂದ ಪ್ರಯಾಣಿಕರಿಗೆ ತುಂಬಾ ತೊಂದರೆ ಆಗಲಿದೆ. ಸ್ಥಳೀಯ ಪ್ರಯಾಣಿಕರ, ರೋಗಿಗಳ ಅನುಕೂಲಕ್ಕಾಗಿ ತೀರ್ಥಹಳ್ಳಿ - ಆಗುಂಬೆ ಸಂಪರ್ಕಕ್ಕೆ ಜಿಲ್ಲಾಡಳಿತ ವಿಶೇಷ ಬಸ್‌ ಸೌಕರ‍್ಯ ಒದಗಿಸಬೇಕು' ಎಂದು ಆಗುಂಬೆ ಗ್ರಾ. ಪಂ. ಮಾಜಿ ಅಧ್ಯಕ್ಷೆ ವೀಣಾ ಗಿರೀಶ್‌ ಆಗ್ರಹಿಸಿದ್ದಾರೆ.