ನಿರ್ಗತಿಕ ಕುಟುಂಬಕ್ಕೆ 500 ರೂ. ಮಾಸಿಕ ವೇತನ

ಸಾಗರ : ತಾಲೂಕಿನಲ್ಲಿ ಅನಾಥ, ಬಡ 50 ಕುಟುಂಬಗಳನ್ನು ಗುರುತಿಸಿ ತಲಾ ರೂ.500ರಂತೆ ಮಾಸಿಕ ವೇತನ ವಿತರಿಸಲಾಗಿದೆ ಎಂದು ಸಫಾ ಬೈತುಲ್‌ ಮಾಲ್‌ ಸಂಸ್ಥೆ ಅಧ್ಯಕ್ಷ ಮೌಲಾನ ಕಲೀಮುಲ್ಲಾ ಶಾಹಿ ಹೇಳಿದರು.

ಇಲ್ಲಿನ ಇಮ್ದಾದುಲ್‌ ಉಲುಂ ಮದ್ರಸದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಸಮಾರಂಭದಲ್ಲಿ ಸಮಾಜದ ಬಡ ನಿರ್ಗತಿಕ ಕುಟುಂಬಗಳಿಗೆ ಪೆನ್ಷನ್‌ ಕಾರ್ಡ್‌ ವಿತರಿಸಿ ಅವರು ಮಾತನಾಡಿದರು.

ಸಫಾ ಬೈತುಲ್‌ ಮಾಲ್‌ ಸಂಸ್ಥೆ ಸಮಾಜಮುಖಿ ಕಾರ‍್ಯ ಮಾಡುತ್ತಾ ಬಂದಿದೆ. ಸಮಾಜದ ಅರ್ಹ ಫಲಾನುಭವಿಗಳನ್ನು ಗುರುತಿಸಿ ಅವರಿಗೆ ದಾನಿಗಳು ನೀಡಿದ ಆರ್ಥಿಕ ಸಹಾಯಧನ ತಲುಪಿಸುವ ಕೆಲಸವನ್ನು ಸತತ ಐದು ವರ್ಷಗಳಿಂದ ಮಾಡುತ್ತಿದೆ ಎಂದರು.

ನಮ್ಮ ಸಂಸ್ಥೆಯಿಂದ ಉಚಿತ ಟೈಲರಿಂಗ್‌ ತರಬೇತಿ, ಬೇಸಿಗೆ ಸಂದರ್ಭ ಶುದ್ಧ ಕುಡಿಯುವ ನೀರು,ಶಾಲಾ ಮಕ್ಕಳಿಗೆ ನೋಟ್‌ ಪುಸ್ತಕ ವಿತರಣೆ ಹಾಗೂ ಉನ್ನತ ವಿಧ್ಯಾಭ್ಯಾಸ ಕೈಗೊಳ್ಳುವ ವಿದ್ಯಾರ್ಥಿಗಳಿಗೆ ಆರ್ಥಿಕ ಸಹಾಯಧನ ನೀಡಲಾಗುತ್ತದೆ. ಟೈಲರಿಂಗ್‌ ತರಬೇತಿ ಪಡೆದ ಶಿಕ್ಷ ಣಾರ್ಥಿಗಳಿಗೆ ಹೊಲಿಗೆ ಯಂತ್ರ ವಿತರಣೆಗೆ ಯೋಜನೆ ರೂಪಿಸಲಾಗಿದೆ ಎಂದರು.ಸಂಸ್ಥೆಯ ಇರ್ಷಾದ್‌ ಅಲಿಖಾನ್‌, ಮಹಮ್ಮದ್‌ ಫಾರೂಖ್‌ ಹಾಜರಿದ್ದರು.