ಐತಿಹಾಸಿಕ ದೇವಾಲಯ ಉಳಿಸಿ

ಶಿರಾಳಕೊಪ್ಪ: ಐತಿಹಾಸಿಕ ಶಾಸನಗಳು ಹಾಗೂ ದೇವಸ್ಥಾನಗಳನ್ನು ಉಳಿಸುವ ಕಾರ್ಯವನ್ನು ಎಲ್ಲರೂ ಒಟ್ಟಾಗಿ ಮಾಡಬೇಕಾಗಿದೆ ಎಂದು ಸಹ್ಯಾದ್ರಿ ಪಾರಂಪರಿಕ ಅಭಿವೃದ್ಧಿ ಪ್ರಾಧಿಕಾರದ ಕಾರ್ಯದರ್ಶಿ ಶೇಜೇಶ್ವರ ಹೇಳಿದರು.

ಪಟ್ಟಣ ಸಮೀಪದ ತಡಗಣಿಯಲ್ಲಿಕೇದಾರೇಶ್ವರ ಕನ್ನಡ ಯುವಕರ ಸಂಘದ ನೇತೃತ್ವದಲ್ಲಿನಡೆದ 3 ನೇ ವರ್ಷದ ತಡಗಣಿ ಉತ್ಸವ ಸಮಾರೋಪ ಸಮಾರಂಭದಲ್ಲಿಅವರು ಮಾತನಾಡಿದರು.

ವಚನಕಾರ ಡಾಕೇಶ್‌ ತಾಳಗುಂದ ಮಾತನಾಡಿ, ಪ್ರಾಚೀನ ಕಲ್ಲುಗಳು ಇತಿಹಾಸದ ಶಕ್ತಿ ವರ್ಧಕಗಳಾಗಿದ್ದು,ಅಂತಹ ಕಲ್ಲುಗಳು ನಾಡಿನ ಪೂರ್ಜರ ಇತಿಹಾಸವನ್ನು ತಿಳಿಸುವ ಕಾರ್ಯ ಮಾಡುತ್ತವೆ. ಅಂತಹ ಕಥೆಗಳನ್ನು ಜನ ಸಾಮಾನ್ಯರಿಗೆ ತಿಳಿಸಲು ಉತ್ಸವಗಳು ಸಹಕಾರಿಯಾಗಿದೆ. ಈ ಕೆಲಸವನ್ನು ಪ್ರೀತಿಯಿಂದ ಮಾಡುತ್ತಿರುವ ಗ್ರಾಮೀಣ ಯುವಕರ ಸೇವೆ ಶ್ಲಾಘನೀಯ ಎಂದರು.

ಉತ್ಸವದ ಪ್ರಯುಕ್ತ ನೂರಾರು ಸಂಖ್ಯೆಯ ಯುವಕರು ದ್ವಿಚಕ್ರ ವಾಹನಗಳ ರಾರ‍ಯಲಿ ಮೂಲಕ ಕದಂಬ ಜ್ಯೋತಿಯನ್ನು ತಾಳಗುಂದದಿಂದ ತಡಗಣಿಗೆ ತಂದರು.

ನಿವೃತ್ತ ಸೈನಿಕರು ಹಾಗೂ ನಿವೃತ್ತ ಶಿಕ್ಷಕರನ್ನು ಸನ್ಮಾನಿಸಲಾಯಿತು. ಗ್ರಾ.ಪಂ. ಸದಸ್ಯ ತಡಗಣಿ ಮಂಜುನಾಥ, ಕೇದಾರೇಶ್ವರ ಸಮಿತಿ ಅಧ್ಯಕ್ಷ ತೇಜಪ್ಪ, ಉದ್ಯಮಿ ಎಂ.ಆರ್‌.ಸತೀಶ್‌, ಬಂಕ್‌ ಶಂಕರಣ್ಣ ಮತ್ತಿತರರು ಮಾತನಾಡಿದರು.

ಶಿವಣ್ಣ ಅಧ್ಯಕ್ಷತೆ ವಹಿಸಿದ್ದರು. ಗ್ರಾ.ಪಂ. ಅಧ್ಯಕ್ಷೆ ಪಾತೀಮಾ ಬೀ ಸೇರಿದಂತೆ ಗ್ರಾಮದ ಮುಖಂಡರು ಭಾಗವಹಿಸಿದ್ದರು. ಕರಿಬಸಪ್ಪ ನಿರೂಪಿಸಿ, ಸಂತೋಷ ಸ್ವಾಗತಿಸಿ, ಕಾರ್ತಿಕ ವಂದಿಸಿದರು.
-------
ಎರಡು ಸಾವಿರ ವರ್ಷಗಳ ಇತಿಹಾಸ ಹೊಂದಿರುವ ಕನ್ನಡದ ಮೂಲ ನೆಲೆ ತಾಳಗುಂದದ ಮಗ್ಗಲಿನಲ್ಲಿರುವ ತಡಗಣಿ ಗ್ರಾಮದಲ್ಲಿಕೂಡ ಕದಂಬರ ಕಾಲದ ಅವಶೇಷಗಳು ತೊರತಿವೆ. ಇಂತಹ ಪುಣ್ಯ ನೆಲದಲ್ಲಿಇಲಾಖೆಯಿಂದ ಆಗಬಹುದಾದ ಕಾರ್ಯಗಳಿಗೆ ಸಂಪೂರ್ಣ ನೆರವು ನೀಡಲಾಗುವುದು.
-ಶೇಜೇಶ್ವರ, ಸಹ್ಯಾದ್ರಿ ಪಾರಂಪರಿಕ ಅಭಿವೃದ್ಧಿ ಪ್ರಾಧಿಕಾರದ ಕಾರ್ಯದರ್ಶಿ