‘ಭಾರತೀಯ ಹಬ್ಬ ಹಿಂದೆ ವೈಜ್ಞಾನಿಕತೆ’

ಶಿಕಾರಿಪುರ: ಭಾರತೀಯ ಸಂಸ್ಕೃತಿಯಲ್ಲಿನ ಸಂಸ್ಕಾರ, ಸಂಪ್ರದಾಯ ವಿಶಿಷ್ಟವಾಗಿದೆ. ಆಧುನಿಕತೆ ಧಾವಂತದಲ್ಲಿಅದು ಕಣ್ಮರೆಯಾಗುವ ಆತಂಕ ಎದುರಿಸುತ್ತಿದೆ, ಅದನ್ನು ಉಳಿಸಿ ಬೆಳೆಸುವ ಕೆಲಸ ಆಗಬೇಕಿದೆ ಎಂದು ತಹಸೀಲ್ದಾರ್‌ ಎಂ.ಪಿ.ಕವಿರಾಜ್‌ ಹೇಳಿದರು.

ಪಟ್ಟಣದಲ್ಲಿಬುಧವಾರ ಶ್ರೀ ಹುಚ್ಚರಾಯಸ್ವಾಮಿ ದೇಗುಲದಲ್ಲಿಜೇಸಿಐ ಚಂದನ್‌ ಮಕರ ಸಂಕ್ರಾಂತಿ ಹಬ್ಬದ ಅಂಗವಾಗಿ ಆಯೋಜಿಸಿದ್ದ ರಂಗೋಲಿ ಸ್ಪರ್ಧೆಗೆ ಚಾಲನೆ ನೀಡಿ ಅವರು ಮಾತನಾಡಿದರು.

ಭಾರತೀಯ ಸಂಸ್ಕೃತಿಯ ಹಬ್ಬ ಹರಿದಿನ ಆಚರಣೆ ಹಿಂದೆ ವೈಜ್ಞಾನಿಕತೆ ಇದೆ. ಅದನ್ನು ಅರ್ಥ ಮಾಡಿಕೊಂಡು ಆಚರಿಸಬೇಕು. ಸೂರ‍್ಯನ ಪ್ರಖರತೆ ಹೆಚ್ಚಿರುವ ಈ ದಿನಗಳಲ್ಲಿಎಳ್ಳು-ಬೆಲ್ಲಸೇವಿಸಿದರೆ ದೇಹದ ಆರೋಗ್ಯಕ್ಕೆ ಒಳ್ಳೆಯದು. ದೇಶದ ಹಲವು ರಾಜ್ಯದಲ್ಲಿಸಂಕ್ರಾಂತಿ ಹೊಸ ವರ್ಷವಾಗಿ, ಹಲವು ಜಾತಿ ಜನಾಂಗದ ಸಾಂಪ್ರದಾಯಿಕ ಹಬ್ಬವಾಗಿ ಆಚರಿಸಲ್ಪಡುತ್ತಿದೆ ಎಂದರು.

ಜೇಸಿಐ ಚಂದನ್‌ ಅಧ್ಯಕ್ಷ ದಿನೇಶ್‌ ಆಚಾರ‍್ಯ ಮಾತನಾಡಿ, ಹಬ್ಬ ಹರಿದಿನದಲ್ಲಿರಂಗೋಲಿ ವಿಶೇಷ ಸ್ಥಾನ ಪಡೆದಿದೆ ಎಂದರು. ರಂಗೋಲಿ ಸ್ಪರ್ಧೆಯಲ್ಲಿಇಂದಿರಾ, ಸ್ಪಂದನಾ, ಅಂಬಿಕಾ ಕ್ರಮವಾಗಿ ಪ್ರಥಮ, ದ್ವಿತೀಯ, ತೃತೀಯ ಬಹುಮಾನ ಪಡೆದರು. ಕಂದಾಯ ಅಧಿಕಾರಿ ಶೈಲಜಾ, ಜೇಸಿರೇಟ್‌ ಶಾಲಿನಿ, ವಸಂತಕುಮಾರ್‌, ಸುರೇಶ್‌, ಶಿವಾನಂದ ಸಾನು, ಧನಂಜಯ ಆಚಾರ‍್ಯ, ಗಂಗಾಧರ, ರೇವಣಸಿದ್ಧಪ್ಪ, ಆನಂದಕೃಷ್ಣ ಮತ್ತಿತರರು ಇದ್ದರು.