ಅಂತಾರಾಷ್ಟ್ರೀಯ ಸ್ಪರ್ಧೆಗೆ ಆಯ್ಕೆ

ತೀರ್ಥಹಳ್ಳಿ : ತಮಿಳುನಾಡಿನಲ್ಲಿ ಇತ್ತೀಚೆಗೆ ನಡೆದ ರಾಷ್ಟ್ರಮಟ್ಟದ ವೇಟ್‌ಲಿಪ್ಟಿಂಗ್‌ ಸ್ಪರ್ಧೆಯಲ್ಲಿ ಸಿ. ಸುಲೋಚನಾ ಬೆಳ್ಳಿ ಪದಕ ಪಡೆದು ಅಂತಾರಾಷ್ಟ್ರೀಯ ಮಟ್ಟದ ಸ್ಪರ್ಧೆಗೆ ಆಯ್ಕೆಗೊಂಡಿದ್ದಾರೆ.

2019 ಸೆಪ್ಟಂಬರ್‌ 2ನೇ ವಾರ ಕೆನಡಾದಲ್ಲಿ ನಡೆಯುವ 63 ಕೆಜಿ ವಿಭಾಗದ 325 ಕೆಜಿ ವೇಟ್‌ಲಿಪ್ಟಿಂಗ್‌ ಸ್ಪರ್ಧೆಯಲ್ಲಿ ಸುಲೋಚನಾ ಭಾಗವಹಿಸಲಿದ್ದಾರೆ. ಇತ್ತೀಚೆಗೆ ಕುಂದಾಪುರದಲ್ಲಿ ನಡೆದ ರಾಜ್ಯಮಟ್ಟದ ಸ್ಪರ್ಧೆಯಲ್ಲಿ 322.5 ಕೆಜಿ ಭಾರ ಎತ್ತಿ ಚಿನ್ನದ ಪದಕ ಪಡೆದಿದ್ದಾರೆ.

ವೇಟ್‌ಲಿಪ್ಪಿಂಗ್‌ ಕುರಿತು ವಿಶೇಷ ಆಸಕ್ತಿ ಹೊಂದಿ ಉತ್ತಮ ಸಾಧನೆ ಮೂಲಕ ಜಿಲ್ಲೆಗೆ ಕೀರ್ತಿ ತಂದಿರುವ ಸುಲೋಚನಾ ಶಿವಮೊಗ್ಗದ ಸತೀಶ್‌ ಅವರ ಪತ್ನಿ. ಬಿಡುವಿನ ಅವಧಿಯಲ್ಲಿ ಕೆ.ಎಲ್‌.ನಾಗರಾಜ್‌ ಅವರಿಂದ ತರಬೇತಿ ಪಡೆದು ವೇಟ್‌ಲಿಪ್ಟಿಂಗ್‌ನ ಅಂತಾರಾಷ್ಟ್ರೀಯ ಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ.