ಶರಾವತಿ ನದಿ ಮೂಲದ ಗ್ರಾಮಸ್ಥರ ಪ್ರತಿಭಟನೆ

ತೀರ್ಥಹಳ್ಳಿ: ಶರಾವತಿ ನದಿ ನೀರನ್ನು ಬೆಂಗಳೂರಿಗೆ ಹರಿಸುವ ಉದ್ದೇಶಿತ ಯೋಜನೆ ರದ್ದು ಮಾಡುವಂತೆ ಆಗ್ರಹಿಸಿ ಬುಧವಾರ ತಾಲೂಕಿನ ಅರಳಸುರಳಿ ಗ್ರಾ.ಪಂ. ಕಚೇರಿ ಮುಂಭಾಗ ಶರಾವತಿ ನದಿ ಜನ್ಮಸ್ಥಳದ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದರು.

ಮಳೆ ಇಲ್ಲದೆ ಮಲೆನಾಡಿನ ಪರಿಸರ ಹಾನಿಗೆ ಒಳಗಾಗಿದ್ದು ಜನರು ನೀರಿನ ಸಂಕಟ ಅನುಭವಿಸುತ್ತಿದ್ದಾರೆ. ಶರಾವತಿ ನದಿಯನ್ನು ಬೇರೆಡೆ ಹರಿಸಲು ಬಿಡುವುದಿಲ್ಲ ಎಂದು ಪ್ರತಿಭಟನಾಕಾರರು ವಾಗ್ದಾನ ಮಾಡಿದರು.