ಎಸ್ಸೆಸ್ಸೆಲ್ಸಿ: ಸಾತ್ವಿಕ್‌ ಕಾಮತ್‌ ರಾಜ್ಯಕ್ಕೆ ದ್ವಿತೀಯ

ಶಿವಮೊಗ್ಗ: ಭದ್ರಾವತಿಯ ಪೂರ್ಣಪ್ರಜ್ಞಾ ವಿದ್ಯಾಸಂಸ್ಥೆಯ ವಿದ್ಯಾರ್ಥಿ ಸಾತ್ವಿಕ್‌ ಕಾಮತ್‌, ಎಸ್ಸೆಸ್ಸೆಲ್ಸಿ ಮರುಮೌಲ್ಯಮಾಪನದಲ್ಲಿ 625ಕ್ಕೆ 624 ಅಂಕ ಗಳಿಸಿ ರಾಜ್ಯಕ್ಕೆ ದ್ವಿತೀಯ ಸ್ಥಾನ, ಜಿಲ್ಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಮೊದಲು ಸಾತ್ವಿಕ್‌ 618 ಅಂಕ ಗಳಿಸಿದ್ದು, ಮರುಮೌಲ್ಯಮಾಪನದಲ್ಲಿ ಒಟ್ಟು 6 ಅಂಕಗಳನ್ನು ಹೆಚ್ಚು ಗಳಿಸಿದ್ದಾರೆ. ಸಂಸ್ಕೃತ, ಇಂಗ್ಲಿಷ್‌, ಹಿಂದಿ, ಗಣಿತ, ಮತ್ತು ಸಮಾಜ ವಿಜ್ಞಾನದಲ್ಲಿ ಶೇ.100 ಅಂಕ ಗಳಿಸಿದ್ದು, ವಿಜ್ಞಾನದಲ್ಲಿ 99 ಅಂಕ ಬಂದಿದೆ. ಸಾತ್ವಿಕ್‌ ಭದ್ರಾವತಿಯ ಸುಭಾಷ್‌ ಕಾಮತ್‌ ಮತ್ತು ರೂಪಾ ಕಾಮತ್‌ ಅವರ ಪುತ್ರನಾಗಿದ್ದು, ಶಾಲೆ ಆಡಳಿತ ಮಂಡಳಿ, ಶಿಕ್ಷಕ ವರ್ಗ ಅಭಿನಂದಿಸಿದೆ.