ಬುದ್ಧಿಹೇಳಿದ ಬಾಲಕನಿಗೆ ಚೂರಿ ಇರಿತ

ತೀರ್ಥಹಳ್ಳಿ : ತನ್ನ ಸಹೋದರಿಯ ಜತೆಗೆ ಪ್ರೀತಿ ಪ್ರೇಮದ ಸಲುಗೆ ಬೆಳೆಸಬೇಡ ಎಂದು ಬುದ್ಧಿಹೇಳಿದ ಪ್ರಥಮ ಪಿಯುಸಿ ವ್ಯಾಸಂಗ ಮಾಡುತ್ತಿರುವ ಬಾಲಕನಿಗೆ ಚೂರಿಯಿಂದ ಇರಿದು ತೀವ್ರವಾಗಿ ಗಾಯಗೊಳಿಸಲಾಗಿದೆ.

ಪಟ್ಟಣದ ಸರಕಾರಿ ಪದವಿಪೂರ್ವ ಕಾಲೇಜು ಹತ್ತಿರ ಶುಕ್ರವಾರ ಘಟನೆ ನಡೆದಿದೆ. ಬುದ್ಧಿ ಹೇಳಿದ್ದಕ್ಕೆ ಕುಪಿತಗೊಂಡ ಯುವಕ, ಪ್ರಿಯತಮೆಯ ಸಹೋದರನ ಹೊಟ್ಟೆಗೆ ಇರಿದಿದ್ದು, ಗಂಭೀರ ಗಾಯಗೊಂಡ ಆತನನ್ನು ಶಿವಮೊಗ್ಗದ ಆಸ್ಪತ್ರೆಗೆ ಸಾಗಿಸಲಾಗಿದೆ. ಘಟನಾ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಮಾಹಿತಿ ಸಂಗ್ರಹಿಸಿದರು.