ರಾಷ್ಟ್ರೀಯ ಹೆದ್ದಾರಿಯಲ್ಲಿಮರಗಳ ಕಡಿತಲೆ ಆರಂಭ

ತೀರ್ಥಹಳ್ಳಿ: ರಾಷ್ಟ್ರೀಯ ಹೆದ್ದಾರಿ 169 (ಎ) ವ್ಯಾಪ್ತಿಗೆ ಸೇರ್ಪಡೆಗೊಂಡಿರುವ ತೀರ್ಥಹಳ್ಳಿ ಪಟ್ಟಣ- ಆಗುಂಬೆ ಸಂಪರ್ಕದ ರಸ್ತೆ ವಿಸ್ತರಣೆ ಕಾಮಗಾರಿ ಮಾರ್ಗದಲ್ಲಿಮರಗಳ ತೆರವಿಗೆ ಅರಣ್ಯ ಇಲಾಖೆ ಚಾಲನೆ ನೀಡಿದೆ.

ಮೂರ್ನಾಲ್ಕು ದಿನಗಳಿಂದ ಮೇಗರವಳ್ಳಿ, ಅಣ್ಣುವಳ್ಳಿ, ಗೋವಿನಹಳ್ಳಿ, ಲಕ್ಕುಂದ, ಕಲ್ಮನೆ ಭಾಗದಲ್ಲಿ ರಸ್ತೆ ಇಕ್ಕೆಲಗಳಲ್ಲಿರುವ ಬೃಹತ್‌ ಮರಗಳನ್ನು ಧರೆಗೆ ಉರುಳಿಸುತ್ತಿದೆ. ಸುಮಾರು 97 ಮರಗಳ ಕಡಿತಲೆಗೆ ಅರಣ್ಯ ಇಲಾಖೆ ಗುರುತಿಸಿದ್ದು, ಕೆಲ ದಿನಗಳಲ್ಲೇ ನಾಮಾವಶೇಷವಾಗಲಿವೆ.

--------
ದೂಪ, ಹಲಸು, ರಂಜ, ಬೆಳಾಲೆ ಸೇರಿದಂತೆ ಅನೇಕ ಅಪರೂಪದ ಜಾತಿಯ ಮರಗಳು ಕಡಿತಲೆಗೊಳ್ಳಲಿವೆ. ತೀರ್ಥಹಳ್ಳಿ ಪಟ್ಟಣದ ಬಾಳೇಬೈಲಿನಿಂದ ಮೇಗರವಳ್ಳಿವರೆಗೆ ಮಾತ್ರ ಕಡಿತಲೆ ಮರಗಳನ್ನು ಗುರುತಿಸಲಾಗಿದೆ. ಕೆಲ ದಿನಗಳಲ್ಲಿಇನ್ನಷ್ಟು ಸಂಖ್ಯೆ ಮರಗಳ ಕಡಿತಲೆಗೊಳ್ಳುವ ಸಾಧ್ಯತೆ ಇದೆ.