ಮಾದಕ ವ್ಯಸನದಿಂದ ದೂರವಿರಿ

ಭದ್ರಾವತಿ: ಯುವ ಪೀಳಿಗೆ ಇಂದು ಗಾಂಜಾ, ಅಫೀಮು, ಮದ್ಯ ಸೇವನೆಗೆ ದಾಸರಾಗಿದ್ದಾರೆ. ಇವರಿಗೆ ಅರಿವು ಮೂಡಿಸುವುದು ಸಮಾಜದ ಕರ್ತವ್ಯ ಎಂದು ಟ್ರಸ್ಟ್‌ ಅಧ್ಯಕ್ಷ ಜೆಬಿಟಿ ಬಾಬು ಹೇಳಿದರು.

ಅವರು ಹಳೇನಗರದ ಹೊಳೆಹೊನ್ನೂರು ರಸ್ತೆಯ ಹಜರತ್‌ ಸೈಯದ್‌ ಸಾದತ್‌(ಮದರಸ) ಆವರಣದಲ್ಲಿಏರ್ಪಡಿಸಿದ್ದ ಮುಖಂಡರ ಸಭೆಯಲ್ಲಿಮಾತನಾಡಿದರು.

ಮೊದಲು ಒಂದು ತಿಂಗಳ ಕಾಲ ಪ್ರಾಯೋಗಿಕವಾಗಿ ತಾಲೂಕಿನ ಎಲ್ಲಮಸೀದಿಗಳಿಗೆ ತೆರಳಿ ಮೌಲಾನಗಳ ಮೂಲಕ ಯುವಕರಿಗೆ ಅರಿವು ಮೂಡಿಸುವ ಗುರಿ ಹೊಂದಲಾಗಿದೆ. ಕೇವಲ ಮುಸ್ಲಿಂ ಜನಾಂಗಕ್ಕೆ ಮಾತ್ರ ಸೀಮಿತವಲ್ಲದೇ ಎಲ್ಲಜನಾಂಗೀಯದವರಿಗೂ ಅರಿವು ಮೂಡಿಸಲಾಗುವುದು ಎಂದರು. ಸಭೆಯಲ್ಲಿಮುಸ್ಲಿಂ ಮುಖಂಡರಾದ ಸಿ.ಎಂ.ಖಾದರ್‌, ಅಮೀರ್‌ ಜಾನ್‌, ಬಾಬಾಜಾನ್‌, ಸಹೀದ್‌ ಖಾದರ್‌, ಮುನೀರ್‌ ಭಾಷ, ಫೀರ್‌ ಷರೀಫ್‌, ಮುರ್ತುಜಾಖಾನ್‌, ಜಹೀರ್‌ ಜಾನ್‌, ಮಸ್ತಾನ್‌ ಇತರರು ಇದ್ದರು.