ಗಿಫ್ಟ್‌ ಸೆಂಟರ್‌ ಅಂಗಡಿಗೆ ಆಕಸ್ಮಿಕ ಬೆಂಕಿ: ನಷ್ಟ

ಸಾಗರ : ಇಲ್ಲಿನ ಅಶೋಕ ರಸ್ತೆಯ ಆಶಾಪುರ ನಾವೆಲ್ಟಿ ಎಂಬ ಗಿಫ್ಟ್‌ ಸೆಂಟರ್‌ ಅಂಗಡಿಯಲ್ಲಿ ಬುಧವಾರ ತಡರಾತ್ರಿ ವಿದ್ಯುತ್‌ ಶಾರ್ಟ್‌ ಸಕ್ರ್ಯೂಟ್‌ನಿಂದ ಆಕಸ್ಮಿಕ ಬೆಂಕಿ ಅವಘಡ ಸಂಭವಿಸಿ ಸುಮಾರು 3ಲಕ್ಷ ರೂ. ನಷ್ಟ ಉಂಟಾಗಿದೆ. ಸೆಂಟರ್‌ನ ಮೊದಲನೇ ಮಹಡಿಯಲ್ಲಿರುವ ವಿದ್ಯುತ್‌ ಮೀಟರ್‌ ಬೋರ್ಡ್‌ ಮೇಲೆ ಮಳೆ ನೀರು ಸುರಿದ ಹಿನ್ನೆಲೆಯಲ್ಲಿ ಶಾರ್ಟ್‌ ಸಕ್ರ್ಯೂಟ್‌ನಿಂದ ಏಕಾಏಕಿ ಬೆಂಕಿ ತಗುಲಿದೆ.
ತಕ್ಷ ಣದಲ್ಲಿ ಬೆಂಕಿ ಆವರಿಸಿಕೊಂಡು ಕೆಲಕಾಲ ರಸ್ತೆಯಲ್ಲಿ ಆತಂಕದ ವಾತಾವರಣ ಸೃಷ್ಟಿಯಾಗಿತ್ತು. ಬೆಂಕಿ ಉರಿ ಜ್ವಾಲೆಗೆ ಗಿಫ್ಟ್‌ ವಸ್ತುಗಳು, ಪಿಂಗಾಣಿ ವಸ್ತುಗಳು, ನೂರಾರು ಛತ್ರಿ, ಬಳೆಗಳು ಇತರೆ ವಸ್ತುಗಳು ಸುಟ್ಟು ನಾಶವಾಗಿವೆ. ಪಕ್ಕದ ಕಟ್ಟಡ ಗೋಡೆಗೆ ಸಹ ಹಾನಿಯಾಗಿದೆ. ಸ್ಥಳಕ್ಕೆ ಆಗಮಿಸಿದ್ದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಿ ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ. ಠಾಣೆ ಸಿಬ್ಬಂದಿ ಅಬ್ದುಲ್‌ ರಜಾಕ್‌, ವಿಲ್‌ಫ್ರೆಡ್‌, ಜೆ.ರವಿ, ಸತೀಶ್‌, ಎಸ್‌.ಕೆ.ಶ್ರೀನಿವಾಸ ದೇಶಳ್ಳಿ, ಮಂಜುನಾಥ ಕಾರಾರ‍ಯಚರಣೆಯಲ್ಲಿ ಭಾಗವಹಿಸಿದ್ದರು. ಮಾಲೀಕ ವಿಕ್ರಂ ಸಿಂಗ್‌ ಪೇಟೆ ಠಾಣೆಗೆ ದೂರು ನೀಡಿದ್ದಾರೆ.