ಅರಳಗೋಡು ವ್ಯಾಪ್ತಿ ಇಲಿ ಜ್ವರ ಹತೋಟಿಗೆ ಕ್ರಮ

ಸಾಗರ: ತಾಲೂಕಿನ ಅರಳಗೋಡು ಪ್ರಾಥಮಿಕ ಆರೋಗ್ಯ ಕೇಂದ್ರ ವ್ಯಾಪ್ತಿಯಲ್ಲಿ 40 ಜನರ ರಕ್ತಪರೀಕ್ಷೆಯಲ್ಲಿ 30 ಜನರಿಗೆ ಇಲಿ ಜ್ವರ ದೃಢಪಟ್ಟಿತ್ತು. ಸೂಕ್ತ ಶುಶ್ರೂಷೆಯಿಂದ ಅವರೆಲ್ಲರೂ ಸಂಪೂರ್ಣ ಗುಣಮುಖರಾಗಿದ್ದಾರೆ ಎಂದು ತಾಲೂಕು ವೈದ್ಯಾಧಿಕಾರಿ ಡಾ. ಮುನಿವೆಂಕಟರಾಜು ಹೇಳಿದರು.

ಈ ಬಗ್ಗೆ ಪತ್ರಿಕೆಯೊಂದಿಗೆ ಮಾತನಾಡಿದ ಅವರು, ರಕ್ತದ ಮಾದರಿ ಪರೀಕ್ಷೆ ಸಂದರ್ಭದಲ್ಲಿ ರೋಗಿಗಳಿಗೆ ಇರುವ ಸ್ಪಷ್ಟ ರೋಗಲಕ್ಷ ಣಗಳು ಗುರುತಾಗುತ್ತಿದೆ. ಅದಕ್ಕೆ ತಕ್ಷ ಣ ಶುಶ್ರೂಷೆ ನೀಡುವ ಕೆಲಸ ನಡೆಯುತ್ತಿದೆಯಲ್ಲದೆ, ಅರಳಗೋಡು ಸುತ್ತಮುತ್ತಲೂ ಜನರಲ್ಲಿ ಆರೋಗ್ಯ ಸುರಕ್ಷ ತೆಯ ಜಾಗೃತಿ ಕಾರ್ಯಕ್ರಮಗಳು ನಿರಂತರವಾಗಿ ನಡೆಯುತ್ತಿವೆ. ಗ್ರಾಮೀಣ ಭಾಗದ ಜನರಿಗೆ ಈ ಕುರಿತು ಅರಿವು ಮೂಡಿಸಲಾಗಿದ್ದು, ಇಲಿ ಜ್ವರ ಹತೋಟಿಗೆ ಸೂಕ್ತ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದರು.

ಇಲಿ ಜ್ವರದ ಹಿನ್ನೆಲೆಯಲ್ಲಿ ಕುಡಿಯುವ ನೀರಿನ ಒಂದು ಲೀಟರ್‌ಗೆ ಒಂದು ಹೆಲೋಜಿನ್‌ ಮಾತ್ರೆಯನ್ನು ಹಾಕಿ ಅರ್ಧ ಗಂಟೆ ಬಿಟ್ಟು ನೀರನ್ನು ಕುಡಿಯಬಹುದಾಗಿದೆ. ಈ ಬಗ್ಗೆ ವೈದ್ಯಸಿಬ್ಬಂದಿ, ಆಶಾ ಕಾರ್ಯಕರ್ತೆಯರು ಮನೆ ಮನೆಗೆ ಪ್ರಾತ್ಯಕ್ಷಿಕೆ ಮೂಲಕ ಅರಿವು ಮೂಡಿಸುತ್ತಿದ್ದಾರೆ. ಕೆಎಫ್‌ಡಿ ಸಂಪೂರ್ಣ ಹತೋಟಿಯಲ್ಲಿದ್ದು 6 ಶಂಕಿತರು ಮಣಿಪಾಲದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಅವರೂ ಗುಣಮುಖರಾಗಿದ್ದಾರೆ. ಯಾರೂ ಆತಂಕಪಡುವ ಪ್ರಶ್ನೆ ಇಲ್ಲ ಎಂದಿದ್ದಾರೆ. ಆರೋಗ್ಯ ಇಲಾಖೆಯಿಂದ 50 ಸಾವಿರ ಹೆಲೋಜಿನ್‌ ಮಾತ್ರೆಗಳನ್ನು ನೀಡಲಾಗಿದ್ದು ಮನೆಗಳಿಗೆ ತಲುಪಿಸುವ ಕೆಲಸ ನಡೆದಿದೆ ಎಂದರು.