ಶಿಕ್ಷ ಣ ದೇಶದ ಅಭಿವೃದ್ಧಿಗೆ ಅಡಿಗಲ್ಲು

ಶಿವಮೊಗ್ಗ: ಹಿಂದುಳಿದ ವರ್ಗದವರು ಶಿಕ್ಷ ಣಕ್ಕೆ ಆದ್ಯತೆ ನೀಡುವ ಮೂಲಕ ಸಮಾಜದ ಮುಖ್ಯವಾಹಿನಿಗೆ ಬರಬೇಕೆಂದು ಜಿಲ್ಲಾ ಗಂಗಾಮತ ಸಂಘದ ಪ್ರಧಾನ ಕಾರ್ಯದರ್ಶಿ ಎ.ಹಾಲೇಶಪ್ಪ ಹೇಳಿದರು.

ಬಾಪೂಜಿ ನಗರದಲ್ಲಿರುವ ಗಂಗಾಮತ ವಿದ್ಯಾರ್ಥಿನಿಲಯದ ಆವರಣದಲ್ಲಿ ಗುರುವಾರ ಜಿಲ್ಲಾ ಗಂಗಾಮತ ಸಂಘ, ನಾಡೋಜ ಜಿ. ಶಂಕರ ಫ್ಯಾಮಿಲಿ ಟ್ರಸ್ಟ್‌ ಆಯೋಜಿಸಿದ್ದ ಸಮಾಜದ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನ ಮತ್ತು ನೋಟ್‌ಬುಕ್‌ ವಿತರಣಾ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು.

ಶಿಕ್ಷ ಣವೇ ದೇಶದ ಅಭಿವೃದ್ಧಿಗೆ ಅಡಿಗಲ್ಲು. ಅದರಲ್ಲೂ ಹಿಂದುಳಿದ ವರ್ಗಗಳು ಶಿಕ್ಷ ಣಕ್ಕೆ ಒತ್ತು ನೀಡಬೇಕು. ಯಾವುದೇ ಕಾರಣಕ್ಕೂ ತಮ್ಮ ಮಕ್ಕಳ ಶಿಕ್ಷ ಣದ ಹಕ್ಕನ್ನು ಕಸಿದುಕೊಳ್ಳಬಾರದು ಎಂದರು.

ಈ ದೇಶದಲ್ಲಿ ಶೋಷಿತರು ಮತ್ತೆ ಮತ್ತೆ ಉಳ್ಳವರ ಕಪಿಮುಷ್ಟಿಗೆ ಸಿಲುಕುತ್ತಲೇ ಇದ್ದಾರೆ. ಇದರಿಂದ ದಲಿತರು, ಹಿಂದುಳಿದವರು ಮತ್ತೆ ಮತ್ತೆ ಪಾಠ ಕಲಿಯಬೇಕು. ತಮ್ಮ ಸಮಾಜವನ್ನು ಅಭಿವೃದ್ಧಿಪಡಿಸುವುದರ ಜತೆಗೆ ತಾವೂ ಅಭಿವೃದ್ಧಿಯಾಗಬೇಕು. ನಾಡೋಜ ಜಿ. ಶಂಕರ ಫ್ಯಾಮಿಲಿ ಟ್ರಸ್ಟ್‌ನವರು 8ವರ್ಷದಿಂದ ಸಮಾಜದ ಮಕ್ಕಳಿಗೆ ವಿದ್ಯಾರ್ಥಿವೇತನ ಮತ್ತು ನೋಟ್‌ಬುಕ್‌ನ್ನು ಉಚಿತವಾಗಿ ನೀಡುತ್ತಾ ಬಂದಿದ್ದಾರೆ. ಇಂತಹ ಸಮಾಜ ಸೇವಕರು ತುಂಬಾ ವಿರಳ ಎಂದರು. ಈ ಸಂದರ್ಭ ಜಿಲ್ಲೆಯ ನೂರಾರು ಮಕ್ಕಳಿಗೆ ವಿದ್ಯಾರ್ಥಿವೇತನ ಮತ್ತು ನೋಟ್‌ ಬುಕ್‌ ವಿತರಿಸಲಾಯಿತು. ಸಮಾಜದ ಪ್ರಮುಖರಾದ ಡಿ.ಬಿ.ಕೆಂಚಪ್ಪ, ಮೇಘರಾಜ್‌, ಹೇಮಂತರಾಜ್‌, ಶೇಖರಪ್ಪ, ರೂಪಾ ಹೇಮಂತರಾಜ್‌, ಎಸ್‌.ಬಿ. ಅಶೋಕ್‌ ಕುಮಾರ್‌, ಜಯ ಕೋಟ್ಯಾನ್‌, ವಿನಯ್‌ ಮತ್ತಿತರರು ಇದ್ದರು.