ವಿಚಾರಧಾರೆ ಸಮಾಜಕ್ಕೆ ಅಗತ್ಯ

ತೀರ್ಥಹಳ್ಳಿ : ಶೋಷಣೆ ಮುಕ್ತ ಸಮಾಜ ನಿರ್ಮಾಣಕ್ಕೆ ಒತ್ತು ನೀಡಿದ ಬ್ರಹ್ಮಶ್ರೀ ನಾರಾಯಣಗುರು ಅವರು ತಳ ಸಮುದಾಯದ ಚೇತನ. ಶಿಕ್ಷಣದಿಂದ ಮಾತ್ರ ಸಮಾಜ ಸುಧಾರಣೆ ಸಾಧ್ಯ ಎಂಬುದನ್ನು ನಾರಾಯಣಗುರುಗಳು ಬಲವಾಗಿ ನಂಬಿದ್ದರು ಎಂದು ತಾ.ಪಂ.ಸದಸ್ಯ ಬೇಗುವಳ್ಳಿ ಕವಿರಾಜ್‌ ಅಭಿಪ್ರಾಯಪಟ್ಟರು.

ಶುಕ್ರವಾರ ತಾಲೂಕು ಕಚೇರಿ ಸಭಾಂಗಣದಲ್ಲಿತಾಲೂಕು ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ಹಮ್ಮಿಕೊಂಡಿದ್ದ ಬ್ರಹ್ಮ ಶ್ರೀ ನಾರಾಯಣಗುರುಗಳ ಜಯಂತಿ ಉದ್ದೇಶಿಸಿ ಅವರು ಮಾತನಾಡಿದರು.

ಆತ್ಮ ವಿಶ್ವಾಸ ಮೂಡಿಸಿ ತಳ ಸಮುದಾಯ ಮೇಲಕ್ಕೆತ್ತುವ ಪ್ರಯತ್ನದಲ್ಲಿನಾರಾಯಣಗುರುಗಳು ಸಾಕಷ್ಟು ಯಶಸ್ಸು ಪಡೆದಿದ್ದರು. ಮಹಾನ್‌ ದಾರ್ಶನಿಕ ನಾರಾಯಣಗುರು ಪ್ರತಿಪಾದಿಸಿದ ವಿಚಾರಧಾರೆ ಪ್ರಸ್ತುತ ಸಮಾಜಕ್ಕೆ ಅಗತ್ಯ ಎಂದರು. ಸಮಾರಂಭದಲ್ಲಿತಾ.ಪಂ. ಉಪಾಧ್ಯಕ್ಷೆ ಯಶೋಧಮಂಜುನಾಥ್‌, ತಹಸೀಲ್ದಾರ್‌ ಎಂ.

ಭಾಗ್ಯ, ತಾಲೂಕು ಆರ‍್ಯ ಈಡಿಗರ ಸಂಘದ ಅಧ್ಯಕ್ಷ ಮಟ್ಟಿಮನೆ ರಾಮಚಂದ್ರ ಮಾತನಾಡಿದರು. ಆರ‍್ಯ ಈಡಿಗರ ಸಂಘದ ನಿರ್ದೇಶಕರಾದ ಚಿಪ್ಪಿನಕೊಡಿಗೆ ವೆಂಕಟೇಶ, ತಲವಡಗ ಗಂಗಾಧರ್‌ ಮತ್ತಿತರರು ಇದ್ದರು.