‘ವಿಜ್ಞಾನ ಕಲಿಕೆಯಿಂದ ಆಲೋಚನಾ ಶಕ್ತಿ ’

ಸಾಗರ: ಮಕ್ಕಳಲ್ಲಿ ಕುತೂಹಲ, ಆಲೋಚನಾ ಶಕ್ತಿ, ಸಂಶೋಧನಾ ಪ್ರವೃತ್ತಿ ಬೆಳೆಸಲು ವಿಜ್ಞಾನದ ಕಲಿಕೆ ಅತ್ಯವಶ್ಯಕ ಎಂದು ಎಸ್‌ಡಿಎಂಸಿ ಅಧ್ಯಕ್ಷ ಚಂದ್ರಶೇಖರ ಹೇಳಿದರು.

ತಾಲೂಕಿನ ಕಾಗೆಹಳ್ಳದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಗುರುವಾರ ಏರ್ಪಡಿಸಿದ್ದ ರಾಷ್ಟ್ರೀಯ ವಿಜ್ಞಾನ ದಿನಾಚರಣೆ ಉದ್ಘಾಟಿಸಿ ಅವರು ಮಾತನಾಡಿದರು.

ಪ್ರಾಥಮಿಕ ಹಂತದಲ್ಲೇ ಸುತ್ತಲಿನ ಪರಿಸರದಲ್ಲಿನ ವಿಶೇಷತೆ ಗಮನಿಸುವ ಮನೋಭಾವ ಬೆಳೆಸಿಕೊಳ್ಳಬೇಕು. ವಿಜ್ಞಾನ ಕೇವಲ ಒಂದು ವಿಷಯವಲ್ಲ, ವಿಷಯವನ್ನು ವಿವಿಧ ಮಗ್ಗಲುಗಳಲ್ಲಿ ಗ್ರಹಿಸುವ, ವಿಶ್ಲೇಷಿಸುವ ಮನೋಧರ್ಮ, ಅಂಥ ಮನೋಧರ್ಮವನ್ನು ಮಕ್ಕಳು ಬೆಳೆಸಿಕೊಂಡಾಗ ಮುಂದಿನ ಹಂತದ ಶಿಕ್ಷ ಣದ ಕಲಿಕೆ ಸುಲಭ ಎಂದರು. ಎಸ್‌ಡಿಎಂಸಿ ಉಪಾಧ್ಯಕ್ಷೆ ಕುಸುಮ, ಮುಖ್ಯಶಿಕ್ಷ ಕಿ ಭುವನೇಶ್ವರಿ ಹೆಗಡೆ , ಮೇಲಿನ ಮನೆ ಕಿರಿಯ ಪ್ರಾಥಮಿಕ ಶಾಲೆ ಮುಖ್ಯ ಶಿಕ್ಷ ಕಿ ಗೌರಮ್ಮ, ಎಸ್‌ಡಿಎಂಸಿ ಸದಸ್ಯೆ ಮಮತ, ಶಾಲೆ ಶಿಕ್ಷ ಕಿಯರು ಇದ್ದರು. ಮಕ್ಕಳು ಸ್ಥಳದಲ್ಲೇ ತಯಾರಿಸಿದ ವಿಜ್ಞಾನದ ಮಾದರಿ ಹಾಗೂ ವಿಜ್ಞಾನದ ರಂಗವಲ್ಲಿಗಳು ಗಮನ ಸೆಳೆದವು.