ಜ.12ಕ್ಕೆ ತೀರ್ಥಹಳ್ಳಿ ತಾಲೂಕು ಸಾಹಿತ್ಯ ಸಮ್ಮೇಳನ

ತೀರ್ಥಹಳ್ಳಿ: ತಾಲೂಕು 8ನೇ ಕನ್ನಡ ಸಾಹಿತ್ಯ ಸಮ್ಮೇಳನವನ್ನು ಜನವರಿ 12ರಂದು ಪಟ್ಟಣದ ಶಾಂತವೇರಿ ಗೋಪಾಲಗೌಡ ರಂಗಮಂದಿರದಲ್ಲಿ ನಡೆಸಲು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್‌ ಕಾರ‍್ಯಕಾರಿ ಸಮಿತಿ ತೀರ್ಮಾನಿಸಿದೆ.

ತಾಲೂಕು ಕನ್ನಡ ಸಾಹಿತ್ಯ ಪರಿಷತ್‌ ಅಧ್ಯಕ್ಷ ಆಡಿನಸರ ಸತೀಶ್‌ ಅಧ್ಯಕ್ಷತೆಯಲ್ಲಿ ನಡೆದ ಸಮಿತಿ ಸಭೆಯಲ್ಲಿ ಸಮ್ಮೇಳನ ಕುರಿತು ಚರ್ಚಿಸಲಾಯಿತು. ವಿಚಾರಗೋಷ್ಠಿ, ಕವಿಗೋಷ್ಠಿ, ಸಾಂಸ್ಕೃತಿಕ ಕಾರ‍್ಯಕ್ರಮ ನಡೆಸಲು ನಿರ್ಧರಿಸಲಾಗಿದೆ. ಹಿರಿಯ ಪ್ರಾಥಮಿಕ, ಪ್ರೌಢಶಾಲೆ ಮಕ್ಕಳಿಗೆ ಪ್ರತ್ಯೇಕವಾಗಿ ಕವಿಗೋಷ್ಠಿ ನಡೆಸಲು ತೀರ್ಮಾನಿಸಲಾಯಿತು. ಕವಿಗೋಷ್ಠಿಯಲ್ಲಿ ಭಾಗವಹಿಸುವವರು ಮೊ. 9880118328,9448814196 ಸಂಪರ್ಕಿಸಬಹುದು.

ಸಭೆಯಲ್ಲಿ ಪರಿಷತ್‌ ಪ್ರಧಾನ ಕಾರ‍್ಯದರ್ಶಿಗಳಾದ ಬಸವಾನಿ ಉದಯ್‌ಕುಮಾರ್‌, ಲಕ್ಷ್ಮಣ್‌ ಬೆಟ್ಟಮಕ್ಕಿ, ಸಹ ಕಾರ‍್ಯದರ್ಶಿ ಆಶಾ ಡೇನಿಯಲ್‌, ನಿರ್ದೇಶಕರಾದ ಪ್ರೊ.ಸಸಿತೋಟ ದಯಾನಂದ್‌, ಡಾನ್‌ರಾಮಣ್ಣ, ಮ್ಯಾಥ್ಯೂಸುರಾನಿ, ಸುಧೀಷ್ಣ ಕುಮಾರಿ, ಪಡುವಳ್ಳಿ ಹರ್ಷೇಂದ್ರಕುಮಾರ್‌, ರೇಣುಕಾ ಹೆಗ್ಡೆ, ವಿನೂತ ಮುರಳೀಧರ್‌, ಮಹಿಳಾ ಪ್ರತಿನಿಧಿ ಉಮಾದೇವಿ ಉರಾಳ್‌ ಮತ್ತಿತರರು ಇದ್ದರು.