ವಾರ್ಷಿಕೋತ್ಸವ ಸಮಾರಂಭ ಇಂದು

ಶಿವಮೊಗ್ಗ: ನಗರದ ಅಂಬೇಡ್ಕರ್‌ ಭವನದಲ್ಲಿ ಡಿ.25ರಂದು ಸಂಜೆ.5.30ಕ್ಕೆ ಇನ್ಸ್ಟಿಟ್ಯೂಟ್‌ ಪರ್‌ ಫಾರ್ಮಿಂಗ್‌ ಆರ್ಟ್ಸ್ ಅಂಡ್‌ ರಿಸರ್ಚ್‌ ಸೆಂಟರ್‌(ಎಬಿಜಿಎಸ್‌)ನ ಪ್ರಥಮ ವಾರ್ಷಿಕೋತ್ಸವ ಸಮಾರಂಭ ನಡೆಯಲಿದೆ ಎಂದು ಎಬಿಜಿಎಸ್‌ ಸಂಸ್ಥಾಪಕ ಅಧ್ಯಕ್ಷ ಎನ್‌.ಜೆ.ರವಿಶೇಖರ್‌ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಸೋಮವಾರ ಅವರು ಮಾತನಾಡಿ, ಕಳೆದ ವರ್ಷ ಆರಂಭವಾದ ಎಬಿಜಿಎಸ್‌ನಲ್ಲಿ ಹಲವಾರು ವಿದ್ಯಾರ್ಥಿಗಳು ಸಂಗೀತ, ನೃತ್ಯ, ಜಾನಪದ ಕಲೆ ಹಾಗೂ ವಿವಿಧ ಪ್ರಕಾರಗಳಲ್ಲಿ ಶಿಕ್ಷಣ ಪಡೆಯುತ್ತಿದ್ದು, ಭಾರತೀಯ ಸಂಸ್ಕೃತಿಯ ವಿಚಾರಧಾರೆಗಳನ್ನು ಕಲೆಗಳ ಮೂಲಕ ಕಲಿಸಲಾಗುತ್ತಿದೆ ಎಂದರು.

ಎಬಿಜಿಎಸ್‌ ಕಾರ್ಯದರ್ಶಿ ಡಾ.ಬಿ.ವಿ.ಗೀತಾ ಮಾತನಾಡಿ, ವಾರ್ಷಿಕೋತ್ಸವ ಸಮಾರಂಭವನ್ನು ಜಿಲ್ಲಾಧಿಕಾರಿ ಕೆ.ಎ.ದಯಾನಂದ್‌ ಉದ್ಘಾಟಿಸಲಿದ್ದು, ಬೆಂಗಳೂರಿನ ಎಸ್‌ಐಯುವಿಎಸ್‌ ಉಪಕುಲಪತಿ ಪೊ›.ಜೆ.ಶ್ರೀನಿವಾಸಮೂರ್ತಿ ಅಧ್ಯಕ್ಷತೆ ವಹಿಸಲಿದ್ದಾರೆ. ಮುಖ್ಯ ಅತಿಥಿಯಾಗಿ ಎಸ್‌ಐಯುವಿಎಸ್‌ ಸಹಾಯಕ ಉಪಕುಲಪತಿ ಡಾ.ಎಂ.ವಿ.ಅರ್ಚನಾ, ಶಿಕಾರಿಪುರದ ಶ್ರೀ ಚನ್ನಮಲ್ಲಿಕಾರ್ಜುನ ವಿದ್ಯಾ ಸಂಸ್ಥೆ ಸಂಸ್ಥಾಪಕ ಚನ್ನಯ್ಯ ಆಗಮಿಸಲಿದ್ದಾರೆ. ವಿದ್ಯಾರ್ಥಿಗಳಿಂದ ಭರತನಾಟ್ಯ, ಕರ್ನಾಟಕ ಸಂಗೀತ, ಎನ್‌.ಜೆ.ರವಿಶೇಖರ್‌ ಅವರಿಂದ ಲಘು ಸಂಗೀತ ಕಾರ್ಯಕ್ರಮ ನಡೆಯಲಿದೆ ಎಂದರು. ಗೋಷ್ಠಿಯಲ್ಲಿ ಅನುಸೂಯ, ಹರ್ಪಿತಾ, ಸುಜನ್‌ ಇದ್ದರು.