ತುಂಗಾ ಹಳೆ ಸೇತುವೆಗೆ ಟ್ರಾಕ್ಟರ್‌ ಡಿಕ್ಕಿ

ಶಿವಮೊಗ್ಗ:ತುಂಗಾ ನದಿಯ ಹಳೆ ಸೇತುವೆ ತಡೆಗೋಡೆ ಗುರುವಾರ ಬೆಳಗ್ಗೆ ಟ್ರ್ಯಾಕ್ಟರ್‌ ಡಿಕ್ಕಿಯಾಗಿ ಜಖಂಗೊಂಡಿದ್ದು, ಸುಮಾರು ಅರ್ಧ ಗಂಟೆಗೂ ಹೆಚ್ಚು ಕಾಲ ಸಂಚಾರ ವ್ಯತ್ಯಯವಾಗಿತ್ತು.

ಸೇತುವೆ ಮೇಲೆ ಬರುತ್ತಿದ್ದ ಟ್ರ್ಯಾಕ್ಟರ್‌ನ ಟ್ರಾಲಿ ತಡೆಗೋಡೆಗೆ ಡಿಕ್ಕಿ ಹೊಡೆದ ಪರಿಣಾಮ ಸುಮಾರು ಐದಾರು ಅಡಿಯಷ್ಟು ಗೋಡೆ ಉರುಳಿದೆ. ಟ್ರ್ಯಾಕ್ಟರ್‌ ಚಾಲಕನ ಅಜಾಗರೂಕತೆಯಿಂದ ಈ ಘಟನೆ ಸಂಭವಿಸಿದೆ. ತಕ್ಷಣ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ವಾಹನಗಳ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.