ಆ್ಯಪ್ನಗರ

ಶ್ರಮದಾನದಿಂದ ವರದಾಗೆ ಬಂಡು ನಿರ್ಮಾಣ

: ಪಟ್ಟಣಕ್ಕೆ ಕುಡಿಯುವ ನೀರೊದಗಿಸುವ ವರದಾ ನದಿಗೆ ಹೊಳೆ ಜೋಳದಗುಡ್ಡೆ ಬಳಿ ಪಟ್ಟಣ ಪಂಚಾಯಿತಿ ಸದಸ್ಯರು, ಮುಖ್ಯಾಧಿಕಾರಿ ಹಾಗೂ ಸಿಬ್ಬಂದಿ, ಪೌರಕಾರ್ಮಿಕರು ಗುರುವಾರ ಒಂದು ದಿನ ಶ್ರಮದಾನ ಮಾಡಿ ಬಂಡು ನಿರ್ಮಿಸಿದರು.

Vijaya Karnataka 4 Dec 2018, 5:00 am
ಸೊರಬ: ಪಟ್ಟಣಕ್ಕೆ ಕುಡಿಯುವ ನೀರೊದಗಿಸುವ ವರದಾ ನದಿಗೆ ಹೊಳೆ ಜೋಳದಗುಡ್ಡೆ ಬಳಿ ಪಟ್ಟಣ ಪಂಚಾಯಿತಿ ಸದಸ್ಯರು, ಮುಖ್ಯಾಧಿಕಾರಿ ಹಾಗೂ ಸಿಬ್ಬಂದಿ, ಪೌರಕಾರ್ಮಿಕರು ಗುರುವಾರ ಒಂದು ದಿನ ಶ್ರಮದಾನ ಮಾಡಿ ಬಂಡು ನಿರ್ಮಿಸಿದರು.
Vijaya Karnataka Web SMR-01SRBP3

ಪಟ್ಟಣಕ್ಕೆ ವರದಾ ನದಿಯಿಂದ ಕುಡಿಯುವ ನೀರು ಪೂರೈಸುತ್ತಿದ್ದು, ಬ್ಯಾರೇಜ್‌ ಇಲ್ಲದೇ ನೀರು ಸೋರಿ ಹೋಗುತ್ತಿದೆ. ಬೇಸಿಗೆ ಸಮಯ ನೀರೊದಗಿಸುವ ಸಲುವಾಗಿ ಪ.ಪಂಚಾಯಿತಿಗೆ ಪ್ರತಿ ವರ್ಷ ಬಂಡ್‌ ನಿರ್ಮಾಣಕ್ಕೆ ಲಕ್ಷಾಂತರ ರೂ. ಖರ್ಚಾಗುತ್ತಿತ್ತು. ಕಳೆದ ವರ್ಷದಿಂದ ಲಕ್ಷಾಂತರ ರೂ. ವ್ಯಯ ಮಾಡುವುದನ್ನು ತಪ್ಪಿಸಲು ಸರ್ವ ಸದಸ್ಯರ ಸಭೆಯಲ್ಲಿ ನಿರ್ಣಯ ಕೈಗೊಂಡು ಮುಖ್ಯಾಧಿಕಾರಿ ಬಾಲಚಂದ್ರಪ್ಪ ನೇತೃತ್ವದಲ್ಲಿ ಎಲ್ಲರೂ ಶ್ರಮದಾನ ನಡೆಸಲು ನಿರ್ಧರಿಸಿದ್ದರು. ಈ ಬಾರಿ ಸಿಬ್ಬಂದಿ ಹಾಗೂ ಮುಖ್ಯಾಧಿಕಾರಿ, ಸದಸ್ಯರೆಲ್ಲ 500ಕ್ಕೂ ಹೆಚ್ಚು ಮರಳು ಚೀಲ ಹಾಕಿದರು. ಇದು ನೀರಿನ ಸಂಗ್ರಹಕ್ಕೆ ಸಹಕಾರಿಯಾಗಿದ್ದು ಮಾತ್ರವಲ್ಲ, ಬೇಸಿಗೆಯಲ್ಲಿ 2ತಿಂಗಳಿಗೂ ಹೆಚ್ಚು ಕುಡಿಯುವ ನೀರನ್ನು ಪಟ್ಟಣಕ್ಕೆ ಒದಗಿಸಬಹುದಾಗಿದೆ. ಅಲ್ಲದೇ ಪ.ಪಂ. ತೀರ್ಮಾನದಿಂದ 2ಲಕ್ಷ ರೂಪಾಯಿ ಪಟ್ಟಣ ಪಂಚಾಯಿತಿಗೆ ಉಳಿತಾಯವಾದಂತಾಗಿದೆ. ಸ್ವತಃ ಮುಖ್ಯಾಧಿಕಾರಿಯೇ ಶ್ರಮದಾನದ ಬಟ್ಟೆ ತೊಟ್ಟು ಚೀಲವನ್ನು ಪೌರಕಾರ್ಮಿಕರಿಗೆ ಎತ್ತಿಹೊರಿಸುವುದು, ಜೋಡಿಸುವುದು ಇತರೆ ಕೆಲಸ ಮಾಡಿದ್ದು ಕಂಡು ಬಂತು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ