ಯುವಕ ಭದ್ರಾ ಪಾಲು

ಶಿವಮೊಗ್ಗ: ಭದ್ರಾ ಜಲಾಶಯ ಬಳಿಯ ಹೊಳೆಗೆ ಆಕಸ್ಮಿಕ ಬಿದ್ದ ಯುವಕ ನಾಪತ್ತೆಯಾದ ಘಟನೆ ಶುಕ್ರವಾರ ಸಂಭವಿಸಿದೆ.

ಕಡೂರು ಮೂಲದ ಹರ್ಷ(32) ಹೊಳೆಗೆ ಬಿದ್ದವರು. ಭದ್ರಾವತಿಯಲ್ಲಿ ವಾಸವಾಗಿರುವ ಈತ ಶಿವಮೊಗ್ಗದ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತಿದ್ದ. ಕಡೂರಿನಿಂದ ಈತನ ಸ್ನೇಹಿತರು ಭದ್ರಾ ಜಲಾಶಯ ವೀಕ್ಷಿಸಲು ಬಂದಿದ್ದು, ಅವರೊಂದಿಗೆ ಬಂದ ಹರ್ಷ ಜಲಾಶಯ ವೀಕ್ಷಿಸಿದ್ದಾನೆ.
ಬಳಿಕ ಹೊಳೆಯ ಮಾರ್ಗದಲ್ಲೇ ಸ್ನೇಹಿತರೊಂದಿಗೆ ಊಟ ಮಾಡಿ ಕೈತೊಳೆಯಲು ಹೋದಾಗ ಘಟನೆ ನಡೆದಿದೆ. ನೀರು ಪಾಲಾಗಿರುವ ಯುವಕನ ಶೋಧ ಕಾರ್ಯ ನಡೆದಿದ್ದು, ಸ್ನೇಹಿತರನ್ನೂ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಭದ್ರಾವತಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.