Body ಶಿವಮೊಗ್ಗ: ವಧು ಹುಡುಕಿಕೊಡುವಂತೆ ಮ್ಯಾಟ್ರಿಮೋನಿಯಲ್‌ಗೆ ಬಯೋಡೆಟಾ ನೀಡುವುದು ಸಾಮಾನ್ಯ. ಆದರೆ, ಇಲ್ಲೊಬ್ಬ ವ್ಯಕ್ತಿ ವಧು ಇದ್ದಲ್ಲಿ ತಿಳಿಸುವಂತೆ ಕೋರಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗೆ ಮನವಿ ಸಲ್ಲಿಸಿದ್ದಾನೆ. ಭದ್ರಾವತಿಯ ಒಎಸ್‌ ಪ್ರವೀಣ್ ಎಂಬುವವರೇ ನಂಗೊಂದು ಹೆಣ್ಣು ಹುಡುಕಿ ಕೊಡಿ ಸಾಹೇಬ್ರೇ ಎಂದು ಶಿವಮೊಗ್ಗ ಎಸ್‌ಪಿಗೆ ಮನವಿ ಸಲ್ಲಿಸಿದ ವ್ಯಕ್ತಿ.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಯ ಟಪಾಲು ವಿಭಾಗದಲ್ಲಿ ಮನವಿ ಪತ್ರವನ್ನು ಸಲ್ಲಿಸಿದ್ದು, ಅದರಲ್ಲಿ ವಧುವಿದ್ದರೆ ಭದ್ರಾವತಿ ಪುರಸಭೆಯ ಕೆಲವು ಸದಸ್ಯರನ್ನು ಸಂಪರ್ಕಿಸಬೇಕು ಎಂದು ಅವರು ಹೆಸರುಗಳನ್ನು ಸಹ ನಮೂದಿಸಿದ್ದಾನೆ. ಈ ಪತ್ರವೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಎಸ್‌ಪಿಗೆ ಬಂದ ಪತ್ರದಲ್ಲಿ ಏನಿದೆ?
ನಾನು ಭದ್ರಾವತಿ ನಗರದಲ್ಲಿ ಜನಿಸಿರುತ್ತೇನೆ. ನಾನು ಯಾದವ ಗೊಲ್ಲ ಜಾತಿಗೆ ಸೇರಿದವನಾಗಿರುತ್ತೇನೆ. ನನ್ನ ಕಡೆಯವರು ಆಂಧ್ರ ಪ್ರದೇಶದ ಮಡಕಶಿರ ಟೌನ್ ಶ್ರೀ ಸತ್ಯ ಸಾಯಿ ಜಿಲ್ಲೆಯವರಾಗಿರುತ್ತಾರೆ. ನಮ್ಮ ತಂದೆಯವರು ತೋಟಗಾರಿಕಾ ಇಲಾಖೆಯಲ್ಲಿ ಉಪನಿರ್ದೇಶಕರಾಗಿದ್ದು, ನಿವೃತ್ತರಾಗಿರುತ್ತಾರೆ. ನನ್ನ ಅಣ್ಣ ಈಗಾಗಲೇ ಮದುವೆಯಾಗಿದ್ದಾನೆ. ನಾನು ಹಿಂದೆ ಸಾಫ್ಟ್‌ವೇರ್‌ ಕಂಪನಿಯಲ್ಲಿ ಅಧ್ಯಾಪಕನಾಗಿ, ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡಿರುತ್ತೇನೆ ಎಂದು ಪ್ರವೀಣ್ ತಿಳಿಸಿದ್ದಾನೆ.
ಸದ್ಯ ಭದ್ರಾವತಿಯಲ್ಲಿರುವ ನಮ್ಮ ಸ್ವಂತ ಜಮೀನಿನಲ್ಲಿ ವ್ಯವಸಾಯ ಮಾಡಿಕೊಂಡಿದ್ದೇನೆ. ವಧು ಅನ್ವೇಷಣೆಯಲ್ಲಿ ಯಾವುದು ಸರಿ ಹೋಗದ ಕಾರಣ, ನಮ್ಮ ಯಾದವ ಗೊಲ್ಲ ಜಾತಿಯ ಯಾರಾದರೂ ವಧು ತಮ್ಮ ಅಧೀನದಲ್ಲಿ ಕಂಡು ಬಂದರೆ ನನಗೆ ತಿಳಿಸುವುದರ ಮೂಲಕ ನಾನು ವಿವಾಹ ಮಾಡಿಕೊಳ್ಳಲು ಸಹಾಯ ಮಾಡಬೇಕಾಗಿ ತಮ್ಮಲ್ಲಿ ಕೇಳಿಕೊಳ್ಳುತ್ತೇನೆ. ಈ ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ ನನಗೆ ಪರಿಚಯ ಇರುವ ವ್ಯಕ್ತಿಗಳಾದ ಭದ್ರಾವತಿ ಪುರಸಭೆಯ ಸದಸ್ಯ ವಿ ಕದರೇಶ್ ಹಾಗೂ ಗ್ರಾಮ ಪಂಚಾಯಿತಿ ಸದಸ್ಯ ಚಂದ್ರ ನಾಯಕ್ ಅವರಲ್ಲಿ ಕೇಳಬಹುದು. ಈ ಅರ್ಜಿಯನ್ನ ಪೊಲೀಸರಿಂದ ಪರಿಶೀಲಿಸಿ ಹಾಗೂ ನನ್ನ ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್‌ಬುಕ್ ಜೆರಾಕ್ಸ್ ಪ್ರತಿಗಳನ್ನು ಲಗತ್ತಿಸಿರುತ್ತೇನೆ ಎಂದು ಪ್ರವೀಣ್ ಪತ್ರ ಬರೆದಿದ್ದಾನೆ.
ಹೀಗೆ ಪತ್ರ ಬರೆದಿರುವ ಪ್ರವೀಣ್, ತಮಾಷೆಗಾಗಿ ಬರೆದಿದ್ದಾನೋ ಅಥವಾ ಮಾನಸಿಕ ಅಸ್ವಸ್ಥನೋ ಎಂಬುದು ಪೊಲೀಸರಿಗೆ ತಲೆ ನೋವಾಗಿದೆ. ಈ ಕುರಿತು ಪ್ರತಿಕ್ರಿಯಿಸಿದ ಶಿವಮೊಗ್ಗ ಎಸ್‌ಪಿ ಮಿಥುನ್ ಕುಮಾರ್ ಜಿಕೆ, ಭದ್ರಾವತಿ ಪೊಲೀಸರು ಈ ಅರ್ಜಿಯನ್ನು ಅರ್ಜಿ ಬರೆದಾತವನ್ನು ಹುಡುಕುತ್ತಿದ್ದಾರೆ. ಆತ ಯಾವ ಕಾರಣಕ್ಕೆ ಪತ್ರ ಬರೆದಿದ್ದಾನೆ ಎಂಬುದು ಗೊತ್ತಿಲ್ಲ. ಆದರೆ, ಪೊಲೀಸ್ ಇಲಾಖೆಗೆ ಈ ತರಹದ ಪತ್ರ ಬರೆಯುವುದು ಸಮಂಜಸವಲ್ಲ. ಅವನನ್ನು ಕರೆದು ವಿಚಾರಿಸಿ ಮಾಹಿತಿ ನೀಡುತ್ತೇನೆ ಎಂದು ಹೇಳಿದರು.
ಯಾದವ ಗೊಲ್ಲ ಸಮುದಾಯದಲ್ಲಿ ಹೆಣ್ಣುಗಳ ಕೊರತೆ ಇರುವುದು ನಿಜ. ಅದರಲ್ಲೂ ಚಿತ್ರದುರ್ಗ ಸ್ವಲ್ಪ ಮಟ್ಟಿಗೆ ಕಾಣಿಸುವ ಸಮುದಾಯ ಈ ತರಹದ ಒಂದು ಸಾಮಾಜಿಕ ಸಮಸ್ಯೆ ಎದುರಿಸುತ್ತಾ ಬಂದಿದೆ. ಪತ್ರ ಬರೆದಾತ ನಿಜವಾಗಿಯೂ ತನ್ನ ಸಮಸ್ಯೆ ಹೇಳಿಕೊಳ್ಳುತ್ತಿದ್ದಾನೆಯೇ ಅಥವಾ ಯಾರಾದರೂ ತಮಾಷೆಗೆ ಬರೆದರೇ? ಈ ಪತ್ರ ಹೇಗೆ ಹೊರಬಂತು? ಎಂಬುದು ಕುತೂಹಲ ಮೂಡಿಸಿದ್ದು, ಪತ್ರ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಯ ಟಪಾಲು ವಿಭಾಗದಲ್ಲಿ ಮನವಿ ಪತ್ರವನ್ನು ಸಲ್ಲಿಸಿದ್ದು, ಅದರಲ್ಲಿ ವಧುವಿದ್ದರೆ ಭದ್ರಾವತಿ ಪುರಸಭೆಯ ಕೆಲವು ಸದಸ್ಯರನ್ನು ಸಂಪರ್ಕಿಸಬೇಕು ಎಂದು ಅವರು ಹೆಸರುಗಳನ್ನು ಸಹ ನಮೂದಿಸಿದ್ದಾನೆ. ಈ ಪತ್ರವೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಎಸ್‌ಪಿಗೆ ಬಂದ ಪತ್ರದಲ್ಲಿ ಏನಿದೆ?
ನಾನು ಭದ್ರಾವತಿ ನಗರದಲ್ಲಿ ಜನಿಸಿರುತ್ತೇನೆ. ನಾನು ಯಾದವ ಗೊಲ್ಲ ಜಾತಿಗೆ ಸೇರಿದವನಾಗಿರುತ್ತೇನೆ. ನನ್ನ ಕಡೆಯವರು ಆಂಧ್ರ ಪ್ರದೇಶದ ಮಡಕಶಿರ ಟೌನ್ ಶ್ರೀ ಸತ್ಯ ಸಾಯಿ ಜಿಲ್ಲೆಯವರಾಗಿರುತ್ತಾರೆ. ನಮ್ಮ ತಂದೆಯವರು ತೋಟಗಾರಿಕಾ ಇಲಾಖೆಯಲ್ಲಿ ಉಪನಿರ್ದೇಶಕರಾಗಿದ್ದು, ನಿವೃತ್ತರಾಗಿರುತ್ತಾರೆ. ನನ್ನ ಅಣ್ಣ ಈಗಾಗಲೇ ಮದುವೆಯಾಗಿದ್ದಾನೆ. ನಾನು ಹಿಂದೆ ಸಾಫ್ಟ್‌ವೇರ್‌ ಕಂಪನಿಯಲ್ಲಿ ಅಧ್ಯಾಪಕನಾಗಿ, ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡಿರುತ್ತೇನೆ ಎಂದು ಪ್ರವೀಣ್ ತಿಳಿಸಿದ್ದಾನೆ.
ಸದ್ಯ ಭದ್ರಾವತಿಯಲ್ಲಿರುವ ನಮ್ಮ ಸ್ವಂತ ಜಮೀನಿನಲ್ಲಿ ವ್ಯವಸಾಯ ಮಾಡಿಕೊಂಡಿದ್ದೇನೆ. ವಧು ಅನ್ವೇಷಣೆಯಲ್ಲಿ ಯಾವುದು ಸರಿ ಹೋಗದ ಕಾರಣ, ನಮ್ಮ ಯಾದವ ಗೊಲ್ಲ ಜಾತಿಯ ಯಾರಾದರೂ ವಧು ತಮ್ಮ ಅಧೀನದಲ್ಲಿ ಕಂಡು ಬಂದರೆ ನನಗೆ ತಿಳಿಸುವುದರ ಮೂಲಕ ನಾನು ವಿವಾಹ ಮಾಡಿಕೊಳ್ಳಲು ಸಹಾಯ ಮಾಡಬೇಕಾಗಿ ತಮ್ಮಲ್ಲಿ ಕೇಳಿಕೊಳ್ಳುತ್ತೇನೆ. ಈ ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ ನನಗೆ ಪರಿಚಯ ಇರುವ ವ್ಯಕ್ತಿಗಳಾದ ಭದ್ರಾವತಿ ಪುರಸಭೆಯ ಸದಸ್ಯ ವಿ ಕದರೇಶ್ ಹಾಗೂ ಗ್ರಾಮ ಪಂಚಾಯಿತಿ ಸದಸ್ಯ ಚಂದ್ರ ನಾಯಕ್ ಅವರಲ್ಲಿ ಕೇಳಬಹುದು. ಈ ಅರ್ಜಿಯನ್ನ ಪೊಲೀಸರಿಂದ ಪರಿಶೀಲಿಸಿ ಹಾಗೂ ನನ್ನ ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್‌ಬುಕ್ ಜೆರಾಕ್ಸ್ ಪ್ರತಿಗಳನ್ನು ಲಗತ್ತಿಸಿರುತ್ತೇನೆ ಎಂದು ಪ್ರವೀಣ್ ಪತ್ರ ಬರೆದಿದ್ದಾನೆ.
ಹೀಗೆ ಪತ್ರ ಬರೆದಿರುವ ಪ್ರವೀಣ್, ತಮಾಷೆಗಾಗಿ ಬರೆದಿದ್ದಾನೋ ಅಥವಾ ಮಾನಸಿಕ ಅಸ್ವಸ್ಥನೋ ಎಂಬುದು ಪೊಲೀಸರಿಗೆ ತಲೆ ನೋವಾಗಿದೆ. ಈ ಕುರಿತು ಪ್ರತಿಕ್ರಿಯಿಸಿದ ಶಿವಮೊಗ್ಗ ಎಸ್‌ಪಿ ಮಿಥುನ್ ಕುಮಾರ್ ಜಿಕೆ, ಭದ್ರಾವತಿ ಪೊಲೀಸರು ಈ ಅರ್ಜಿಯನ್ನು ಅರ್ಜಿ ಬರೆದಾತವನ್ನು ಹುಡುಕುತ್ತಿದ್ದಾರೆ. ಆತ ಯಾವ ಕಾರಣಕ್ಕೆ ಪತ್ರ ಬರೆದಿದ್ದಾನೆ ಎಂಬುದು ಗೊತ್ತಿಲ್ಲ. ಆದರೆ, ಪೊಲೀಸ್ ಇಲಾಖೆಗೆ ಈ ತರಹದ ಪತ್ರ ಬರೆಯುವುದು ಸಮಂಜಸವಲ್ಲ. ಅವನನ್ನು ಕರೆದು ವಿಚಾರಿಸಿ ಮಾಹಿತಿ ನೀಡುತ್ತೇನೆ ಎಂದು ಹೇಳಿದರು.
ಯಾದವ ಗೊಲ್ಲ ಸಮುದಾಯದಲ್ಲಿ ಹೆಣ್ಣುಗಳ ಕೊರತೆ ಇರುವುದು ನಿಜ. ಅದರಲ್ಲೂ ಚಿತ್ರದುರ್ಗ ಸ್ವಲ್ಪ ಮಟ್ಟಿಗೆ ಕಾಣಿಸುವ ಸಮುದಾಯ ಈ ತರಹದ ಒಂದು ಸಾಮಾಜಿಕ ಸಮಸ್ಯೆ ಎದುರಿಸುತ್ತಾ ಬಂದಿದೆ. ಪತ್ರ ಬರೆದಾತ ನಿಜವಾಗಿಯೂ ತನ್ನ ಸಮಸ್ಯೆ ಹೇಳಿಕೊಳ್ಳುತ್ತಿದ್ದಾನೆಯೇ ಅಥವಾ ಯಾರಾದರೂ ತಮಾಷೆಗೆ ಬರೆದರೇ? ಈ ಪತ್ರ ಹೇಗೆ ಹೊರಬಂತು? ಎಂಬುದು ಕುತೂಹಲ ಮೂಡಿಸಿದ್ದು, ಪತ್ರ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.