ಬಿಎಸ್‌ವೈ ಯೋಜನೆಗಳು ಬಿಜೆಪಿ ಗೆಲುವಿಗೆ ಸಹಕಾರಿ

ಕೊರಟಗೆರೆ: ಕರ್ನಾಟಕದಲ್ಲಿ ಯಡಿಯೂರಪ್ಪನವರ ನೇತತ್ವದ ಸರ್ಕಾರದ ಅವಧಿಯಲ್ಲಿ ಜಾರಿಗೊಳಿಸಿದ ಮಹತ್ವದ ಯೋಜನೆಗಳೇ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಹೆಚ್ಚಿನ ಸ್ಥಾನಗಳನ್ನು ಗೆಲ್ಲಲು ಸಹಕಾರಿಯಾಗಲಿದೆ ಎಂದು ನಗರಸಭಾ ಮಾಜಿ ಉಪಾಧ್ಯಕ್ಷ ಹಾಗೂ ಬಿಜೆಪಿ ಮುಖಂಡ ವಾಲೆಚಂದ್ರಯ್ಯ ತಿಳಿಸಿದರು.

ಕೊರಟಗೆರೆ ವಿಧಾನಸಭಾ ಕ್ಷೇತ್ರದ ಕಸಬಾ ಹೋಬಳಿ, ಹೊಳವನಹಳ್ಳಿ ಹೋಬಳಿಯ ಹಲವಾರು ಗ್ರಾಮಗಳಿಗೆ ಭೇಟಿ ನೀಡಿ ಬಿ.ಜೆ.ಪಿ ಅಭ್ಯರ್ಥಿ ಜಿ.ಎಸ್.ಬಸವರಾಜು ಪರ ಮತ ಯಾಚಿಸಿದ ಅವರು, ‘‘ಯಡಿಯೂರಪ್ಪನವರು ರಾಜ್ಯದ ಮುಖ್ಯ ಮಂತ್ರಿಯಾದ ಸಂದರ್ಭದಲ್ಲಿ ಜಾರಿಗೆ ತಂದಿರುವ ಭಾಗ್ಯಲಕ್ಷ್ಮೀ ಯೋಜನೆ, ರೈತರಿಗೆ ಹಾಲಿನ ಗೌರವಧನ ಹೆಚ್ಚಳ, ರೆತರ ಸಾಲ ಮನ್ನಾ, ಮಠ ಮಂದಿರಗಳಿಗೆ ನೆರವಿನಂತಹ ಯೋಜನೆಗಳಿಂದ ಬಿಜೆಪಿಗೆ ಸಹಕಾರಿಯಾಗಲಿದೆ,’’ ಎಂದರು.

ಕಾರ್ಯಕ್ರಮದಲ್ಲಿ ಮಹಿಳಾ ಬಿಜೆಪಿ ಅಧ್ಯಕ್ಷೆ ಹೇಮಲತಾ, ಬಿ.ಆರ್.ಆನಂದಕುಮಾರ್, ಆರಾಧ್ಯ, ಜಟ್ಟಿಅಗ್ರಹಾರ ನಾಗರಾಜು, ಬಿ.ಜೆ.ಪಿ ಪಕ್ಷದ ಪ್ರಚಾರಕ ಚನ್ನರಾಯನ ದುರ್ಗದ ಆಶೋಕ ಹಾಜರಿದ್ದರು.

ಇದೇ ಸಂದರ್ಭದಲ್ಲಿ ಆಶೋಕ ಚಕ್ರ ಎಂಬುವವರು ತನ್ನ ತಲೆಯ ಮೇಲೆ ಬಿ.ಜೆ.ಪಿ ಮತ್ತು ಮೋದಿ ಎಂದು ಬರೆಸಿಕೊಂಡು ಜಿಲ್ಲೆಯಾದ್ಯಂತ ಪ್ರಚಾರ ಮಾಡಲು ಹೊರಟಿರುವುದಕ್ಕೆ ವಾಲೆಚಂದ್ರಯ್ಯ ಶುಭ ಕೋರಿದರು.