ತುಮಕೂರು: ಪೋಷಕರ ಮೇಲಿನ ಹಳೆ ದ್ವೇಷಕ್ಕೆ 4 ವರ್ಷದ ಮಗು ಕೊಲೆ; ಆರೋಪಿ ಪೊಲೀಸರ ಬಲೆಗೆ

ತುಮಕೂರು (ಕೊಡಿಗೇನಹಳ್ಳಿ): ಮನೆಯಂಗಳದಲ್ಲಿ ಆಟುವಾಡುತ್ತಿದ್ದ ಮಗು ಸಂಜೆ ಕೊಚ್ಚಿ ಕೊಲೆಯಾದ ರೀತಿ ನೀರಿನಲ್ಲಿ ಸಂಪಿನಲ್ಲಿ ಪತ್ತೆಯಾಗಿರುವ ಘಟನೆ ಮಧುಗಿರಿ ತಾಲೂಕ ವೀರನಾಗೇನಹಳ್ಳಿ ಗ್ರಾಮದ ಮಜರೆ ವಡ್ಡರಹಟ್ಟಿಯಲ್ಲಿ ನಡೆದಿದೆ.

ಪುರವರ ಹೋಬಳಿಯ ವೀರನಾಗೇನಹಳ್ಳಿ ವ್ಯಾಪ್ತಿಯ ಮಜರೆ ವಡ್ಡರಹಟ್ಟಿಯಲ್ಲಿ ರಘು ಹಾಗೂ ಗೀತಾ ದಂಪತಿಯ ಪುತ್ರ ಜಯಂತ್ (4ವರ್ಷ) ಮೃತ ಮಗು. ಮಂಗಳವಾರ ಸಂಜೆಯಾದರೂ ಮನೆಗೆ ಬಾರದ ಕಾರಣ ಆತಂಕಗೊಂಡ ಪೋಷಕರು ಸುತ್ತಮತ್ತ ವಿಚಾರಿಸಿದ್ದಾರೆ. ಆದರೆ, ಸಂಜೆ 6:30ರ ವೇಳೆಗೆ ನೀರಿನ ಸಂಪಿನಲ್ಲಿ ಕೊಲೆಯಾದ ರೀತಿಯಲ್ಲಿ ಮಗುವಿನ ಶವ ಪತ್ತೆಯಾಗಿದೆ.

ಮೃತ ಮಗುವಿನ ಪೋಷಕರಿಗೂ ಗ್ರಾಮದ ಸತ್ಯಪ್ಪ ಎಂಬುವವರ ಮಗ 15 ವರ್ಷದ ಬಾಲಕನಿಗೆ ಹಳೆ ದ್ವೇಷವಿತ್ತು ಎನ್ನಲಾಗಿದೆ. ಈತನ ಮೇಲೆ ಪೋಷಕರು ಶಂಕೆ ವ್ಯಕ್ತಪಡಿಸಿ ದೂರು ನೀಡಿದ್ದರು. ಕೊಡಿಗೇನಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ತುಮಕೂರು: ಮದ್ಯದ ಅಮಲು ತಂದ ಆಪತ್ತು..! ಕುಡಿದ ಮತ್ತಿನಲ್ಲಿ ಬಾವಿಗೆ ಬಿದ್ದ ಯುವಕ

ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದ ಕೊಡಿಗೇನಹಳ್ಳಿ ಪೊಲೀಸರು ಬುಧವಾರ ಆರೋಪಿಯನ್ನು ಬಂಧಿಸಿದ್ದರು. ಹಳೆ ದ್ವೇಷಕ್ಕೆ ಮಗುವನ್ನು ಕೊಲೆ ಮಾಡಿರುವುದಾಗಿ ಆರೋಪಿ ಒಪ್ಪಿಕೊಂಡಿದ್ದಾನೆ ಎನ್ನಲಾಗಿದೆ.