ಸಿಎಂ ಯಡಿಯೂರಪ್ಪ ಮೋದಿಯಷ್ಟೇ ಪವರ್‌ಫುಲ್‌: ರಾಜಣ್ಣ ಗುಣಗಾನ

ತುಮಕೂರು: ಸಿಎಂ ಯಡಿಯೂರಪ್ಪ ಪ್ರಧಾನಿ ನರೇಂದ್ರ ಮೋದಿಯಷ್ಟೇ ಪವರ್‌ಫುಲ್‌ ಎಂದು ಕಾಂಗ್ರೆಸ್‌ ಮಾಜಿ ಶಾಸಕ ಕೆ.ಎನ್‌.ರಾಜಣ್ಣ ಬಿಎಸ್‌ವೈ ಪರ ಬ್ಯಾಟ್‌ ಬೀಸಿದರು.

ತುಮಕೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಕೆ.ಎನ್‌.ರಾಜಣ್ಣ, ಕೇಂದ್ರದಲ್ಲಿ ಪ್ರಧಾನಿ ಮೋದಿ ಪ್ರಭಾವ ಎಷ್ಟಿದೆಯೋ ಕರ್ನಾಟಕದಲ್ಲಿ ಸಿಎಂ ಬಿ.ಎಸ್‌.ಯಡಿಯೂರಪ್ಪನವರ ಪ್ರಭಾವವೂ ಅಷ್ಟೇ ಇದೆ ಎಂದು ಗುಣಗಾನ ಮಾಡಿದರು.

ಯಡಿಯೂರಪ್ಪನವರಿಗೆ ವಯಸ್ಸಾಗಿರಬಹುದು. ಆದರೂ ಅವರಲ್ಲಿ ಸಾಧಿಸುವ ವಿಲ್‌ ಪವರ್‌, ಉತ್ಸಾಹ ಇದೆ. ಹಿಂದಿನ ಸರಕಾರ ಕೊಡದೆ ಉಳಿಸಿಕೊಂಡಿದ್ದ ವೃದ್ಧಾಪ್ಯ ವೇತನ, ಅಂಗವಿಕಲರ ವೇತನ, ಸಾಲಮನ್ನಾ ಹಣವನ್ನು ಬೇಗನೆ ಬಿಡುಗಡೆ ಮಾಡಲಿ ಎಂದು ಆಗ್ರಹಿಸಿದರು.