ಕಾರ್ಯಕರ್ತೆ ಹುದ್ದೆಗೆ ಪೈಪೋಟಿ: ಅಂಗನವಾಡಿಗೆ ಬೀಗ

ಕೊಡಿಗೇನಹಳ್ಳಿ (ಮಧುಗಿರಿ ತಾ): ಅಂಗನವಾಡಿ ಕಾರ್ಯಕರ್ತೆ ಹುದ್ದೆಯನ್ನು ಸ್ಥಳೀಯರಿಗೆ ನೀಡಬೇಕೆಂದು ಪಟ್ಟುಹಿಡಿದು ಕೆಲ ಗ್ರಾಮಸ್ಥರು ಅಂಗನವಾಡಿಗೆ ಬೀಗ ಹಾಕಿದ್ದ ಘಟನೆ ವರದಿಯಾಗಿದೆ.

ಪುರವರ ಹೋಬಳಿ ಕೇಂದ್ರದ 1ನೇ ಅಂಗನವಾಡಿ ಕಾರ್ಯಕರ್ತೆ ಹುದ್ದೆ ಖಾಲಿಯಾಗಿದ್ದು, ತೆರವಾದ ಸ್ಥಾನಕ್ಕೆ ಪಕ್ಕದ ಗಂಕಾರನಹಳ್ಳಿಯ ಹೇಮಲತಾ ಎಂಬುವವರಿಗೆ ನೀಡಿಲಾಗಿದೆ ಎಂದು ವಿರೋಧಿಸಿ ಅಂಗನವಾಡಿ ಕೇಂದ್ರಕ್ಕೆ ಬೀಗ ಹಾಕಲಾಗಿತ್ತು. ಆ ಜಾಗದಲ್ಲಿ ಸ್ಥಳೀಯರಾದ ವಿಧವೆ ಮಹಾಲಕ್ಷ ್ಮಮ್ಮ ಎಂಬುವವರಿಗೆ ನೇಮಿಸಬೇಕು, ಇಲ್ಲದಿದ್ದರೆ ಬೀಗ ತೆರೆಯಲು ಬಿಡುವುದಿಲ್ಲ ಎಂದು ಗ್ರಾಮಸ್ಥರು ಪಟ್ಟು ಹಿಡಿದರು. ತಕ್ಷ ಣ ಸಿಡಿಪಿಒ ಕೆಂಪಹನುಮಯ್ಯ ಸ್ಥಳಕ್ಕೆ ಭೇಟಿ ನೀಡಿ ಗ್ರಾಮಸ್ಥರ ಮನವೊಲಿಸಿದರು.

ನಂತರ ಮಾತನಾಡಿದ ಅವರು, ಅಂಗನವಾಡಿ ಕಾರ್ಯಕರ್ತೆ ಹುದ್ದೆ ಖಾಲಿಯಾದಾಗ ಸುತ್ತಮುತ್ತಲಿನ 3 ಕಿ. ಮೀ. ಅಂತರದಲ್ಲಿರುವ ಯಾವುದಾದರೂ ಅಂಗನವಾಡಿ ಕೇಂದ್ರದಲ್ಲಿ ಕೆಲಸ ಮಾಡುತ್ತಿರುವ ಸಹಾಯಕಿಯರು ಅರ್ಜಿ ಸಲ್ಲಿಸಿದರೆ ಅಂತಹವರಿಗೆ ಬಡ್ತಿ ನೀಡುವಂತೆ ಜಿಲ್ಲಾಧಿಕಾರಿ ಆದೇಶವಿದೆ. ಅದರಂತೆ ಇಲ್ಲಿನ ಹುದ್ದೆ ಭರ್ತಿಯಾಗಿದೆ. ಇದರಲ್ಲಿ ಯಾವುದೇ ರಾಜಕೀಯ ನಡೆದಿಲ್ಲ ಎಂದು ಗ್ರಾಮಸ್ಥರ ಮನವೊಲಿಸಿ ಅಂಗನವಾಡಿ ಬೀಗವನ್ನು ತೆರವುಗೊಳಿಸಿದರು.

ಈ ಸಂದರ್ಭದಲ್ಲಿ ಗ್ರಾಪಂ ಅಧ್ಯಕ್ಷೆ ಕೆಟಿ ಮಂಜುಳಾ ರಂಗಸ್ವಾಮಿ, ಮುಖಂಡರಾದ ಜಯಣ್ಣ, ಟಿ.ಎಲ್‌. ನರಸಿಂಹಮೂರ್ತಿ, ಖಾಸೀಂ ಸಾಬ್‌, ರಾಜಣ್ಣ, ಈರಮ್ಮ, ಅಶ್ವತ್ಥಮ್ಮ ಹಾಜರಿದ್ದರು.