ತುಮಕೂರಿನಲ್ಲಿ ಮತ್ತೆ 171 ಕೊರೊನಾ ಪ್ರಕರಣ: ಸೋಂಕಿತರ ಸಂಖ್ಯೆ 2,850ಕ್ಕೆ ಏರಿಕೆ

ತುಮಕೂರು: ಜಿಲ್ಲೆಯಲ್ಲಿ ಮೊದಲ ಬಾರಿಗೆ ಹೆಚ್ಚು 171 ಹೊಸ ಕೊರೊನಾ ಪ್ರಕರಣಗಳು ದೃಢವಾಗಿದ್ದು, ಸೋಂಕಿನ ಸಂಖ್ಯೆ 2,850ಕ್ಕೆ ಏರಿಕೆಯಾಗಿದೆ.

ತುಮಕೂರಿನಲ್ಲಿ 55, ಸಿರಾ 27, ಕುಣಿಗಲ್‌ 19, ತಿಪಟೂರು 16, ಗುಬ್ಬಿ 14, ಕೊರಟಗೆರೆ 10, ಪಾವಗಡ 9, ಚಿ.ನಾ.ಹಳ್ಳಿ ಹಾಗೂ ಮಧುಗಿರಿ ತಲಾ 8, ತುರುವೇಕೆರೆಯಲ್ಲಿ 5 ಪ್ರಕರಣಗಳು ಪತ್ತೆಯಾಗಿವೆ.

ಕೊರೊನಾದಿಂದ ಮಂಗಳವಾರ 96 ಮಂದಿ ಗುಣಮುಖರಾಗಿ ಬಿಡುಗಡೆ ಹೊಂದಿದ್ದು, ಈವರೆಗೆ 1789 ಮಂದಿ ಬಿಡುಗಡೆ ಹೊಂದಿದ್ದಾರೆ. 975 ಸಕ್ರಿಯ ಪ್ರಕರಣಗಳಿದ್ದು, ಐಸಿಯುವಿನಲ್ಲಿ 18 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

6 ಸಾವು ಜಿಲ್ಲೆಯಲ್ಲಿ ಹೆಚ್ಚು 6 ಮಂದಿ ಕೊರೊನಾದಿಂದ ಮೃತಪಟ್ಟಿದ್ದು ಸಾವಿನ ಸಂಖ್ಯೆ 86ಕ್ಕೆ ಏರಿಕೆಯಾಗಿದೆ. ತುಮಕೂರು ನಗರದ ಪಿಎಚ್‌ ಕಾಲೋನಿಯ 53, ಸದಾಶಿವನಗರದ 78, ತುಮಕೂರು ತಾಲೂಕಿನ ಹೆಬ್ಬೂರಿನ 52 ವರ್ಷದ ಪುರುಷರು ಹಾಗೂ ತುಮಕೂರು ನಗರದ ಮುತ್ಸಾಂದ್ರದ 58, ಪಿಎಚ್‌ ಕಾಲೋನಿಯ 52, ತುರುವೇಕೆರೆಯ ಖಾಜಾನಾ ಲೇಔಟ್‌ನ 65 ವರ್ಷದ ಮಹಿಳೆಯರು ಮೃತಪಟ್ಟಿದ್ದಾರೆ.