ಕೆರೆಗೆ ನೀರು ತಡೆಗೆ ವಿರೋಧ: ನಾಲೆಗೆ ಬಿದ್ದು ರೈತ ಸಾವು

ಗುಬ್ಬಿ: ಸೋಮಲಪುರ ಕೆರೆಗೆ ಹರಿಯದಂತೆ ತಡೆ ನಿರ್ಮಾಣ ಮಾಡುವುದನ್ನು ವಿರೋಧಿಸಿ ರೈತರು ಸಮಾವೇಶಗೊಂಡಿದ್ದ ವೇಳೆ ರೈತರೊಬ್ಬರು ಆಕಸ್ಮಿಕವಾಗಿ ಹೇಮಾವತಿ ನಾಲೆಗೆ ಬಿದ್ದು ಮೃತಪಟ್ಟಿದ್ದಾರೆ. ಚಲುವರಾಜು (35) ಮೃತಪಟ್ಟವರು.

ಗುಬ್ಬಿ ತಾಲೂಕಿನ ಸೋಮಲಪುರ ಗ್ರಾಮದಲ್ಲಿ ಹೇಮಾವತಿ ನಾಲೆ ಹಾದು ಹೋಗಿದ್ದು ತುಮಕೂರು ಹಾಗೂ ಕುಣಿಗಲ್ ಭಾಗಗಳಿಗೆ ನೀರು ಹರಿಯುತ್ತಿಲ್ಲ.

ತಾಲೂಕಿನ ಎಲ್ಲ ಕೆರೆಗಳಿಗೆ ನೀರು ಹರಿಯುವ ತೂಬುಗಳಿಗೆ ಹೇಮಾವತಿ ಜಲಾಶಯದ ಅಧಿಕಾರಿಗಳು ತಡೆ ನಿರ್ಮಿಸುತ್ತಿರುವುದಕ್ಕೆ ರೈತರು ವಿರೋಧ ವ್ಯಕ್ತಪಡಿಸಿದ್ದಾರೆ.

ಘಟನೆಯಿಂದ ಆಕ್ರೋಶಗೊಂಡಿರುವ ರೈತರು ಅಧಿಕಾರಿಗಳಿಗೆ ಘೇರಾವ್‌ ಹಾಕಿ ವಾಹನಗಳ ಟೈರ್‌ನ ಗಾಳಿ ತೆಗೆದು ಪ್ರತಿಭಟಿಸಿದ್ದಾರೆ. ಸ್ಥಳದಲ್ಲಿ ಪರಿಸ್ಥಿತಿ ಉದ್ವಿಗ್ನಗೊಂಡಿದ್ದು, ಪೊಲೀಸ್ ಬಂದೋಬಸ್ತ್‌ ಮಾಡಗಿದೆ